ديماشتىڭ اكەسى: قايرات پەن تورەعالي قازاق ءتىلىنىڭ دامۋىنا ۇلكەن سەبەپكەر بولىپ وتىر - كەسكىن
الايدا، ءانشىنىڭ اكەسى ەلىمىزگە توي اندەرىنىڭ كەرەك ەكەنىن ايتىپ جاتىر. وسى ورايدا، قايرات نۇرتاس پەن تورەعالي تورەالىنىڭ قازاق ءتىلىنىڭ دامۋىنا وزىندىك ۇلەس قوسىپ جۇرگەندەرىن ايتىپ ءوتتى.
بۇل تۋرالى استانا ارناسىنىڭ «سىرلاسۋ» باعدارلاماسىندا ايتىلدى.
«ول كىسى دە ۇلكەن جاناشىرلىقپەن ايتىپ وتىر دەپ ەسەپتەيمىز. وسى تۇستا ايقىنداپ الاتىن ماسەلەلەر بار. مىسالى، مۋزىكانىڭ ءتۇرلى سالاسى بار. تويدىڭ ءانى دە مىندەتتى تۇردە كەرەك. ويتكەنى، قازاقتىڭ كوپ ۋاقىتى تويدا وتەدى. ونىڭ ىشىندە ساپالى تويدىڭ ادەمى ءانى نەگە بولماسقا؟! ۇلتتىق مۋزىكانىڭ ءوزى سان تاراۋعا بولىنەدى. ءبىراق، تويدىڭ ءانى بولسىن، اۋقىمدى ساحنانىڭ ءانى بولسىن، كلاسسيكالىق باعىتتاعى دۇنيە بولسىن، وتە جوعارى دەڭگەيدە، ساپالى ورىندالۋى ءتيىس.
وسى ورايدا ايتا كەتۋ كەرەك، قايرات نۇرتاس، تورەعالي تورەالى، ەرنار ايداردىڭ اندەرى قازاق ءتىلىنىڭ دامۋىنا، قازاق رۋحىنىڭ وسۋىنە ۇلكەن سەبەپ بولىپ وتىر. ەستراداعى كەلىپ، ساحنادا جۇرگەن ادامداردىڭ جاساپ جۇرگەن دۇنيەسى - ءبىزدىڭ ءتىلىمىزدىڭ وسۋىنە اسەر ەتەدى. ارينە، ولاردىڭ ىشىنە ءسوزى دە، ءانى دە كەلىسپەگەن، ءدۇبارا نۇسقالار كىرىپ كەتۋى مۇمكىن. ءبىراق، سان بار جەردە، ىرىكتەلىپ ساپا شىعادى. كوپتەگەن داستارحاندا ايتىلاتىن رەترو اندەرىمىز بار»، - دەيدى قانات ايتبايەۆ.
