10:49, 08 - مامىر 2017 | GMT +5
فرانسيادا جاڭا پرەزيدەنت سايلاندى
پاريج. قازاقپارات - فرانسيادا پرەزيدەنت سايلاۋىنىڭ ەكىنشى تۋرىندا «العا» قوزعالىسىنىڭ جەتەكشىسى ەممانۋەل ماكرون «ۇلتتىق مايدان» پارتياسىنىڭ كوشباسشىسى مارين لە پەننەن باسىم ءتۇستى، دەپ حابارلايدى قازاقپارات ءتىلشىسى Franceinfo پورتالىنا سىلتەمە جاساي وتىرىپ.
Franceinfo پورتالىنىڭ اقپاراتىنشا، جەرگىلىكتى ۋاقىتپەن ساعات 20:40 تا (استانا ۋاقىتىمەن 00:40) باستاپقى مالىمەت بويىنشا ماكرون %65,5، لە پەن - %34,5 داۋىس جينادى. لە پەن ماكرونعا قوڭىراۋ شالىپ جەڭىسىمەن قۇتتىقتادى.
ەممانۋەل ماكروندى تۋيتتەردە بەلگيا پرەمەر- ءمينيسترى شارل ميشەل، شوتلانديانىڭ باس ءمينيسترى نيكولا ستەردجەن، ەۋروپارلامەنت پرەزيدەنتى انتونيو تاياني، ەۋروكوميسسيا ءتوراعاسى جان- كلود يۋنكەر مەن گەرمانيانىڭ س ءى م باسشىسى زيگمار گابريەل قۇتتىقتادى.
