09:45, 08 - مامىر 2017 | GMT +5
الەمنىڭ ەڭ ءىرى اۋكسيون ۇيلەرى كوكتەمگى ءباسساۋدا تۋىندىلارىن كورسەتتى
استانا. قازاقپارات - الەمنىڭ ەڭ ءىرى اۋكسيون ۇيلەرى «سوتبيس»، «كريستيس» جانە «فيلليپس» كوكتەمگى ساۋدا- ساتتىققا قوياتىن تۋىندىلارىن كورسەتتى، دەپ حابارلايدى حابار 24 تەلەارناسى.
ولاردىڭ اراسىندا امەريكالىق جان- ميشەل باسكيانىڭ سۋرەتى بار. نەگىزى 33 جىل بۇرىن تۋىندى 19 مىڭ دوللارعا ساتىلىمعا شىعارىلعان. الايدا بۇل جولى ۇيىمداستىرۋشىلار ول ءۇشىن 60 ميلليون دوللار سۇراپ وتىر.
ءباسساۋداعا سونداي-اق اۆستريالىق ەكسپرەسسيونيست ەگون شيلەنىڭ «دانايا» اتتى العاشقى ۇزدىك تۋىندىسى دا قويىلماق. ۇيىمداستىرۋشىلار ونى كەمى 40 ميلليون دوللارعا وتكىزۋگە نيەتتى. ال كوكتەمگى ءباسساۋدا 15 -مامىردا باستالماق.
