باعالانباي قالعان باتىرلار: يساتاي سۇيەۋبايەۆ
ماتەريالداردى جاريالاۋعا «باعالانباي قالعان باتىرلار» جيناعىنىڭ اۆتورى بەرىك ءابدىعالي ۇلى كومەك كورسەتتى. بەرىك ءابدىعالي ۇلىنىڭ اتاپ وتۋىنشە، بۇل جيناقتا ءسوز قوزعالاتىن باتىرلاردىڭ ەسىمى جالپاق جۇرتقا ءمالىم ەمەس.
ولاردىڭ اتىمەن اتالعان كوشە نەمەسە مەكتەپتەر جوق. قان مايداندا ەرلىك كورسەتكەنىن جانىنداعى جولداستارى كورسە دە، شتاب جانە پارتيا باسشىلىعى ولاردى مويىنداماعان. ءبىزدىڭ مىندەتىمىز - باعالانباي قالعان باتىرلار جايىندا كەلەشەك ۇرپاققا اڭگىمەلەپ بەرۋ. يساتاي سۇيەۋباەۆ - 1913 -جىلى گۋريەۆ وبلىسى ماڭعىستاۋ اۋدانى №18 -اۋىلىندا دۇنيەگە كەلگەن. سوعىس جىلدارىندا 293- اتقىشتار ديۆيزياسىندا اۆتوماتشى بولدى. 1942 -جىلى قاراشا ايىندا جاساعان ەرلىگى ءۇشىن 21- ارميانىڭ كوماندوۆانيەسى يساتاي سۇيەۋبايەۆتى كەڭەس وداعىنىڭ باتىر اتاعىنا ۇسىنعانىمەن ول تەك لەنين وردەنىمەن ماراپاتتالادى. سوعىستا جاراقات العان سوڭ 1944 -جىلى ەلگە ورالىپ، 1948 -جىلى قايتىس بولادى.
