08:05, 08 - مامىر 2017 | GMT +5
ەڭ قارت الپينيست ەۆەرەست شىڭىن باعىندىرماق بولعان كەزىندە قازا تاپتى
استانا. قازاقپارات - بازالىق لاگەردە ەۆەرەست شىڭىن تاعى دا باعىندىرىپ الەمدەگى ەڭ قارت قۇزعا ورمەلەۋشى اتانباق بولعان الپينيست نەپالدىق مين باحادۋر شەرحان (Min Bahadur Sherchan) قازا تاپتى.
بۇل تۋرالى سەنبى، 6 -مامىر كۇنى Reuters اگەنتتىگى نەپالداعى الپينيزم قاۋىمداستىعىنىڭ باسشىسى انگا سەرينگا شەرپاعا سىلتەمە جاساپ حابارلادى. ونىڭ ايتۋىنشا، شەرحان 85 جاسىندا تاۋ باۋرايىندا جۇرەك دەرتىنەن كوز جۇمعان. نەپالداعى تۋريزم مينيسترلىگى قۇزعا ورمەلەۋشىنىڭ مەرت بولعانىن راستادى، الايدا لاگەرمەن بايلانىستىڭ ناشار بولۋىن العا تارتىپ، قوسىمشا اقپارات بەرە المادى.
قازىرگى تاڭدا ەۆەرەستتى باعىندىرعان الەمدەگى ەڭ قارت الپينيست - 80 جاستاعى جاپوندىق يۋيچيرو ميۋرا (Yuichiro Miura) بولىپ وتىر.
