قازاقى ويۋ- ورنەك قوقىس جاشىگىندە تۇرۋى قاجەت پە؟

استانا. قازاقپارت - قازاقتىڭ ءداستۇرلى قولونەر بۇيىمدارىندا ەڭ ءجيى قولدانىلاتىنى - قوشقارمۇيىزدى ويۋ- ورنەك. ءبىراق مۇنى قازىرگى تاڭدا قانشالىقتى دۇرىس پايدالانىپ ءجۇرمىز؟ ماسەلە سوندا.

 وكىنىشكە قاراي، كەيىنگى كەزدە قازاقتىڭ ءداستۇرلى قاسيەتتى قولدانبالى ونەرىندەگى ورنەكتى كەز كەلگەن جەرگە تىقپالاۋ ادەتكە اينالىپ بارادى. دالەل كەرەك پە؟ دەرەك جەتەرلىك. بۇل تۋرالى وسىدان بىرنەشە ۋاقىت بۇرىن جازىلدى دا. ءبىراق الەۋمەتتىك جەلىلەردە تالقىعا تۇسكەن بۇل ماسەلەنى قوعامدىق ساناعا قوزعاۋ سالۋ ءۇشىن تاعى ءبىر رەت قوزعاعاندى ءجون كوردىك.

ءقازىر الماتى كوشەلەرىندە تۇرعان قوقىس جاشىكتەرىنە سالىنعان قازاقى ويۋ- ورنەكتى كورگەندە، ەرىكسىز قىنجىلاسىڭ. مۇنى وركەنيەتتىڭ وزىق ءتاسىلى دەپ قاراۋعا بولا ما؟ نامىسىڭ كەلەدى. جوق الدە، ادەيى ىستەلىنگەن نارسە مە؟ ۇلتتىق ورنەكتىڭ ءقادىرىن بۇلاي تومەندەتۋگە بولا ما؟ مۇنى مادەنيەتكە جانى جاناشىر قالا باسشىسى باۋىرجان بايبەك مىرزاعا جاسالعان قۇلاققاعىس دەپ ۇعايىق.

 ال ۇلتتىڭ ويۋى قايدا تۇرۋى كەرەك؟ « ولار كوبىنەسە كيىزدەن جاسالاتىن بۇيىمداردى ورنەكتەۋگە قولدانعان جانە كيىم- كيشەكتەر، ىدىس- اياقتاردا ت. ب بۇيىمداردا كەزدەسەدى. قازاق حالقىنىڭ تۇرمىس تىرشىلىگى مال شارۋاشىلىعىمەن تىعىز بايلانىستى بولعاندىقتان حالىق اراسىندا قولونەر بۇيىمدارىن كوركەمدەۋگە ءمۇيىز تەكتەس ورنەكتەر كەڭىنەن تاراعان. قوشقار ءمۇيىز ويۋ- ورنەگى ءال- اۋقاتتىڭ، جاقسىلىقتىڭ مولشىلىقتىڭ بەلگىسىن بىلدىرەدى» ، - دەپ جازادى bilimdiler.kz سايتى.

ەندەشە، تۋىمىزدا تۇرعان قاسيەتى بولەك قازاقى ويۋ- ورنەكتىڭ ءقادىرىن قاشىرمايىق.

بەرىك بەيسەن ۇلى

(سۋرەتتى تۇسىرگەن اۆتور)