17:50, 07 - مامىر 2017 | GMT +5
قازاقستاندىق وفيتسەرلەر بەيجىڭدەگى وق اتۋ جارىسىندا جۇلدەگەر اتاندى
بەيجىڭ. قازاقپارات - ق ح ر- داعى ق ر قورعانىس مينيسترلىگى اسكەري اتتاشە اپپاراتىنىڭ وفيتسەرلەرى بەيجىڭدە وتكەن اۆتوماتتى قارۋدان وق اتۋ بويىنشا حالىقارالىق جارىستان ەكىنشى جالپى كوماندالىق ورىندى يەلەندى، دەپ حابارلايدى «قازاقپارات» ح ا ا- نىڭ قىتايداعى ءتىلشىسى.
جارىسقا بەيجىڭدە اككرەديتتەلگەن 60 ەلدىڭ اسكەري ديپلوماتتارى قاتىستى. قازاقستاندىق وفيتسەرلەر - اعا لەيتەنانت تيمۋر ابىلدايەۆ پەن رومان شينكارۋك - م-4 اۆتوماتتى ۆينتوۆكاسىمەن وق اتۋ بويىنشا بارلىعى 100 ۇپايدان 96 بال جيناپ، ەكىنشى ورىندى قانجىعاسىنا بايلادى.
جارىستىڭ جەڭىمپازدارى - ۆەنەسۋەلادان كەلگەن كوماندا دا 96 ۇپاي جيناعان، الايدا ولار وقتىڭ شوعىرلانىپ تيۋ كورسەتكىشىمەن جەڭىمپاز اتاندى. ءۇشىنشى ورىندى 95 بال جيناعان ءۇندىستاندىق كوماندا الدى.
ق ح ر- داعى ق ر قورعانىس مينيسترلىگى اسكەري اتتاشە اپپاراتىنىڭ وفيتسەرلەرى بۇل جەڭىستى قازاقستان قارۋلى كۇشتەرىنىڭ 25 جىلدىعىنا ارنادى.
