گولوۆكيننىڭ كانەلومەن العاش رەت كوز ارباسقان ءساتى

استانا. قازاقپارات - بۇگىن لاس- ۆەگاستا وتكەن بوكس كەشىنەن كەيىن ساۋل «كانەلو» الۆارەس پەن گەنناديي گولوۆكينگىڭ جەكپە- جەگىنە ارنالعان باسپا ءسوز ءماسليحاتى ءوتتى. سول جەدە ەكى بوكسشى العاش رەت كوز ارباستى، دەپ حابارلايدى قازاقپارات ءتىلشىسى.

 ايتا كەتەيىك، بۇگىن ساۋل الۆارەس ءوزىنىڭ جەرلەسى - كىشى چاۆەستى جەڭگەننەن كەيىن رينگكە گەنناديي گولوۆكيندى شاقىردى. سول جەردە ەكى بوكسشى اعىمداعى جىلى 16 - قىركۇيەك كۇنى جۇدىرىقتاساتىنىن مالىمدەدى. «بۇل جولى باسقا وقيعا بولادى. قىركۇيەكتە Big Drama Show بولادى. بۇگىنگىدەي ۇلى ايقاس بولعالى تۇر. ءساۋلدى بۇگىنگى جەڭىسىمەن قۇتتىقتايمىن. ول مەنىڭ مانسابىمداعى ەڭ ۇزدىك قارسىلاسىم بولماق. قىركۇيەكتى كۇتىڭىزدەر. "كانەلوعا" نە دەيمىن؟ قىركۇيەكتە كەزدەسكەنشە!» - دەدى گولوۆكين رينگتە كوممەنتاتور جانە HBO جۇرگىزۋشىسى ماكس كەللەرماننىڭ سۇراعىنا جاۋاپ بەرە وتىرىپ.

WBA Super، WBC، IBF جانە IBO نۇسقاسى بويىنشا ورتا سالماقتاعى الەم چەمپيونى، قازاقستاندىق گەننادي گولوۆكين وسى ۋاقىتقا دەيىن 37 جەكپە- جەك وتكىزىپ، بىردە- ءبىر رەت جەڭىلىپ كورمەگەن. GGG كاسىبي بوكستاعى 33 جەكپە- جەگىن نوكاۋتپەن اياقتادى. ال ساۋل «كانەلو» الۆارەستىڭ 49 رەت جەڭىسكە جەتىپ، 1 رەت جەڭىلگەن جانە 1 رەت تەڭ ناتيجە كورسەتكەن.