ديماشتىڭ استانادا وتەتىن كونسەرتىنە بيلەتتەردى شەتەلدىكتەر ساتىپ الىپ جاتىر

استانا. قازاقپارات - ديماش قۇدايبەرگەننىڭ دۇنيەجۇزىلىك تۋرنە اياسىنداعى كونسەرتى استانادا 27- ماۋسىم كۇنى «استانا ارەنا» ستاديونىندا وتەدى.

بۇل تۋرالى ءانشىنىڭ پروديۋسەرى الپامىس ءشارىموۆ ءوزىنىڭ Instagram داعى پاراقشاسىندا حابارلادى.

«دۇنيەجۇزىلىك تۋرنە اياسىنداعى كونسەرت قازاقستان استاناسىندا 27- ماۋسىم كۇنى وتەدى. بۇل 2017-جىلى جوسپارعا ساي وتەيىن دەپ وتىرعان تۇڭعىش كونسەرت. سول سەبەپتى ديماشتىڭ كونسەرتىنىڭ كۋاسى بولۋ ءۇشىن #Bastau ەكسپو اياسىندا استانا كەلۋگە شاقىرامىز! وسى ۋاقىتتا كونسەرتكە بيلەتتەردى كوپ شەتەلدىكتەر ساتىپ الدى. ولاردىڭ اراسىندا رەسەي، قىتاي، گەرمانيا، يتاليا، فرانسيا، مالايزيا، جاپونيا، وڭتۇستىك كورەيا، قىرعىزستان، وزبەكستان سياقتى ەلدەردەگى ديماشتىڭ ونەرىنە ءتانتى ازاماتتار بار. بيلەتتەردىڭ قۇنى 4 مىڭ تەڭگەدەن باستالادى جانە ولاردىڭ 40 پروتسەنتى انسۇيەر قاۋىمنىڭ قولىندا. سىزدەر دە بىزبەن بولۋعا اسىعىڭىزدار!»، - دەپ جازدى ءانشىنىڭ پروديۋسەرى.