10:21, 07 - مامىر 2017 | GMT +5
داۋرەن ابايەۆ مينيستر بولىپ كەلگەننەن كەيىنگى العاشقى جىلدى قورىتىندىلادى
استانا. قازاقپارات - اقپارات جانە كوممۋنيكاتسيالار ءمينيسترى داۋرەن ابايەۆ مينيسترلىكتىڭ العاشقى جىلداعى جۇمىسىن قورىتىندىلادى، دەپ حابارلايدى «قازاقپارات» ح ا ا ءتىلشىسى.
وسىنداي ۆيدەونى مينيستر الەۋمەتتىك جەلىگە ورنالاستىردى. «قۇرمەتتى قازاقستاندىقتار! اقپارات جانە كوممۋنيكاتسيالار مينيسترلىگىنىڭ قۇرىلعانىنا 1 جىل بولدى. بۇل وقيعالارعا باي وتە قارقىندى ءارى قىزىقتى جىل بولدى. مويىندايمىن، تۇراقتى ءارى سىزدەرمەن بولعان تىعىز قارىم-قاتىناس بىزگە ەركىنسۋگە مۇمكىندىك بەرمەدى جانە ودان ءارى دامۋ ءۇشىن دەمەۋ بولدى»، - دەدى داۋرەن ابايەۆ.
