ەلباسى اسكەري قىزمەتشىلەرگە مەملەكەتتىك ناگرادالار تابىس ەتتى
«سىزدەر جاۋىنگەرلىك ونەگەلى ءۇردىستى، بابالاردىڭ ەرلىك ءداستۇرىن جالعاستىرىپ، بارلىق جەكە قۇرام ءۇشىن قالتقىسىز قىزمەتتىڭ ۇلگىسىن كورسەتىپ كەلەسىزدەر. اسكەري دايىندىق دەڭگەيىنىڭ ارتۋى، اسكەردەگى جانە قۇقىق قورعاۋ ورگاندارىنداعى ءمىنسىز احۋال سىزدەردىڭ باسشىلىق ەتۋ ءىسىن ساۋاتتى جۇرگىزۋلەرىڭىزگە بايلانىستى. كۇش-قۋاتتارىڭىز، بىلىمدەرىڭىز بەن تاجىريبەلەرىڭىز قاۋىپسىزدىكتى قامتاماسىز ەتۋگە، قۇقىقتىق ءتارتىپتى، ەلىمىزدىڭ كونستيتۋتسيالىق قۇرىلىمىن ساقتاۋعا باعىتتالۋعا ءتيىس. سىزدەر قوعامداعى ەڭ جاۋاپتى ميسسيانى قازاقستاندىقتاردىڭ بەيبىت ءومىرى مەن تاۋەلسىزدىگىمىزدىڭ قۇندىلىقتارىن قورعاۋ ءىسىن جۇزەگە اسىرىپ كەلەسىزدەر»، - دەدى ەلباسى.
سونىمەن، 1- دارەجەلى «داڭق» وردەنىمەن سولتۇستىك قازاقستان وبلىسىنىڭ پروكۋرورى بەرىك اسىلوۆ، مەملەكەتتىك كۇزەت قىزمەتى باستىعىنىڭ ورىنباسارى، نىسانداردى قورعاۋ قىزمەتىنىڭ باستىعى مۇحتار ايۋبايەۆ، ۇلتتىق ۇلاننىڭ باس قولباسشىسى رۋسلان جاقسىلىقوۆ، قورعانىس مينيسترلىگى باس ينسپەكتسياسىنىڭ باستىعى قۇربان قاراجانوۆ، قورعانىس ءمينيسترىنىڭ ءبىرىنشى ورىنباسارى، قارۋلى كۇشتەر باس شتابىنىڭ باستىعى مۇرات مايكەيەۆ، Ⅱ دارەجەلى «داڭق» وردەنىمەن ق ر ءى ءى م اكىمشىلىك پوليتسيا كوميتەتىنىڭ ءتوراعاسى يگور لەپەحا، قورعانىس مينيسترلىگى «باتىس» وڭىرلىك قولباسشىلىعى اسكەرلەرىنىڭ قولباسشىسى داۋلەت وسپانوۆ ماراپاتتالدى.
ال 1- دارەجەلى «ايبىن» وردەنى ۇلتتىق قاۋىپسىزدىك كوميتەتىنىڭ دەپارتامەنت باستىعىنىڭ ءبىرىنشى ورىنباسارى دەنيس بارتەنيەۆكە، Ⅱ دارەجەلى «ايبىن» وردەنى ق ر ۇ ق ك استانا قالالىق دەپارتامەنتىنىڭ باسقارما باستىعىنىڭ ورىنباسارى ىسكەندىر اۋەسبايەۆقا، ق ر ۇ ق ك باتىس قازاقستان وبلىستىق دەپارتامەنتىنىڭ باسقارما باستىعى تەمىر عيززاتوۆقا، مەملەكەتتىك كۇزەت قىزمەتىنىڭ دەپارتامەنت باستىعىنىڭ ورىنباسارى ەۆگەني لاۆرەنيۋككە، قورعانىس مينيسترلىگى 30212 اسكەري ءبولىمىنىڭ كومانديرى تالعات ساپاربايەۆقا، قورعانىس مينيسترلىگى «شىعىس» وڭىرلىك قولباسشىلىعى اسكەرلەرى قولباسشىسىنىڭ ءبىرىنشى ورىنباسارى، شتاب باستىعى تالعات ىسمايىلوۆقا، Ⅲ دارەجەلى «ايبىن» وردەنىمەن مەملەكەتتىك كۇزەت قىزمەتىنىڭ نىسانداردى قورعاۋ قىزمەتى 0112 اسكەري ءبولىمىنىڭ راسىمدىك باتولونىنىڭ ءبولىم كومانديرى ناريمان احمەتۋللينگە، قورعانىس مينيسترلىگى كادەت كورپۋسىنىڭ سەرجانتى ميربەك راحىمبەكوۆكە تابىس ەتىلدى.
