نۇرسۇلتان نازاربايەۆ ءبىرقاتار اسكەري قىزمەتشىگە گەنەرال شەنىن تابىستادى - فوتو

استانا. قازاقپارات - بۇگىن اقوردادا ق ر پرەزيدەنتى نۇرسۇلتان نازاربايەۆ ءبىرقاتار اسكەري قىزمەتشىگە گەنەرال شەنىن تابىستادى، دەپ حابارلايدى قازاقپارات.

مەملەكەت باسشىسىنىڭ قولىنان گەنەرال-لەيتەنانت شەنىن ەلىمىزدىڭ قورعانىس ءمينيسترىنىڭ ورىنباسارى تالعات مۇحتاروۆ، ۇلتتىق قاۋىپسىزدىكتىڭ گەنەرال-لەيتەناتى ارنايى شەنىن ۇلتتىق قاۋىپسىزدىك قىزمەتى ءتوراعاسىنىڭ ءبىرىنشى ورىنباسارى سامات ءابىش پەن ۇ ق ك ءتوراعاسىنىڭ ورىنباسارى، ارىستان ارنايى ماقساتتاعى قىزمەت ديرەكتورى ءانۋار سادىقۇلوۆ الدى.

گەنەرال-مايور اسكەري شەنىن ق ر قارۋلى كۇشتەرى باس شتابى جاۋىنگەرلىك دايىندىق دەپارتامەنتىنىڭ باستىعى تيمۋر ابىشەۆ، قۇرلىقتاعى اسكەر باس قولباسشىسىنىڭ ورىنباسارى دۋلات ادىربەكوۆ، شەكارا قىزمەتى ديرەكتورىنىڭ ءبىرىنشى ورىنباسارى باس شتاب باستىعى ەرلان الداجۇمانوۆ، ۇلتتىق گۆارديانىڭ «شىعىس» وڭىرلىك قولباسشىلىعىنىڭ قولباسشىسى تالاپكەر امىرەيەۆ، ۇلتتىق گۆاريا اسكەري ينستيتۋتىنىڭ باستىعى جۇمابەك احمەتوۆ، ءى ءى م توتەنشە جاعدايلار كوميتەتىنىڭ ءتوراعاسى ۆلاديمير بەككەر، اۋە قورعانىسى كۇشتەرى اۋەگە قارسى قورعانىس اسكەرلەرىنىڭ قولباسشىسى سەرىك يسمايىلوۆ، «استانا» وڭىرلىك قولباسشىلىعى اسكەرىنىڭ قولباسشىسى قايدار قاراقۇلوۆ، قورعانىس مينيسترلىگى اسكەري-تەحنيكالىق دەپارتامەنتىنىڭ باستىعى باقىت قۇرمانبايەۆ، ۇلتتىق قاۋىپسىزدىك قىزمەتى اسكەري قارسى بارلاۋ دەپارتامەنتىنىڭ باستىعى قايسار تاسىبەكوۆ الدى.

اۆياتسيا گەنەرال مايورى شەنىن اۋە قورعانىسى كۇشتەرى باس قولباسشىسىنىڭ ورىنباسارى تۇرالى قويشىقۇلوۆ، كونتر-ادميرال شەنىن اسكەري-تەڭىز كۇشتەرى باس قولباسشىسىنىڭ ءبىرىنشى ورىنباسارى قايىرگەلدى ەسەنەيەۆ، ۇلتتىق قاۋىپسىزدىك گەنەرال-مايورى شەنىن ۇ ق ك قاراعاندى وبلىستىق دەپارتامەنتىنىڭ باستىعى كەندەباي ادامبەكوۆ، پوليتسيا گەنەرال-مايورى شەنىن قوستاناي وبلىستىق ءى ءى د باستىعى بەكەت ايماعامبەتوۆ، ىشكى ىستەر مينيسترلىگىنىڭ ش. قابىلبايەۆ اتىنداعى قوستاناي اكادەمياسىنىڭ باستىعى ميرلان  قىزىلوۆ الدى.

3- ساناتتاعى جوعارى بىلىكتىلىك سىنىبىن جەمقورلىققا قارسى ءىس-قيمىل ۇلتتىق بيۋروسىنىڭ جەتەكشىسى تالعات تاتۋبايەۆ، 3- ساناتتاعى مەملەكەتتىك ادىلەت كەڭەسشىسى سىنىپتىق شەنىن ق ر باس پروكۋراتۋراسى قىلمىستىق پروتسەسستىڭ سوتقا دەيىنگى كەزەڭىنىڭ زاڭدىلىعىن قاداعالاۋ دەپارتامەنتىنىڭ باستىعى قۇسايىن يگەمبايەۆ، جامبىل وبلىسىنىڭ پروكۋرورى ەرنار سىبانقۇلوۆ، ق ر باس پروكۋراتۋراسى سوتتاردا مەملەكەت مۇددەسىنە وكىلدىك ەتۋ دەپارتامەنتىنىڭ باستىعى اسەت شىنداليەۆ الدى.