07:34, 08 - مامىر 2017 | GMT +5
كوكشەتاۋ يمامى وزىنە بەرىلگەن كولىگىن تازالىقشى بوپ قىزمەت ەتەتىن كوپ بالالى اناعا تارتۋ ەتتى
استانا. قازاقپارات - كوكشەتاۋداعى ناۋان حازرەت مەشىتىنىڭ باس يمامى قانات قىدىرمين كەڭ جومارتتىق تانىتىپ، وزىنە سىيلىققا بەرىلگەن كولىكتى مەشىتتەگى تازالىقشىعا تارتۋ ەتكەن دەپ حابارلايدى Newsru.
كۇتپەگەن وقيعا يمامدى استاناعا شىعارىپ سالۋ كەزىندە ورىن العان.
تىلشىلەردىڭ سوزىنشە، كەزدەسۋ بارىسىندا جەرگىلىكتى كاسىپكەرلەر يمامعا العىس رەتىندە Toyota Camry كولىگىن سىيلايدى.
كىلتتى العان سوڭ قىدىرمين سىيلىعىن حازرەت مەشىتىنىڭ تازالىقشىسى، كوپ بالالى اناعا سىيعا تارتاتىنىن مالىمدەگەن. يمام كوپ بالالى انانىڭ باسپانالى بولعانىن قالاپتى.
«جەسىر قالعان ايەل جولداسىنىڭ قازاسىنان كەيىن جەتى بالانى جالعىز اسىراپ وتىر»، - دەپ جازادى اگەنتتىك.
