13:41, 06 - مامىر 2017 | GMT +5
باقانى تىرىدەي جۇتقان قازاق جىگىتى جۇرتتىڭ جۇرەگىن اينىتتى - كەسكىن
استانا. قازاقپارات - قازنەتتە باقانى تىرىدەي جۇتقان جىگىتتىڭ ارەكەتى قىزۋ تالقىلانىپ جاتىر.
ۆيدەو ءبىر كۇن بۇرىن تانىمال ينستاگرام پاراقشادا جاريالاندى. وقيعا قازاقستان اۋماعىندا تۇسىرىلگەن دەگەن بولجام بار.
وندا ەر ادامنىڭ ءتىرى باقانى ەش قينالماي قىلعىتا سالعانى انىق كورىنەدى. ال ونىڭ قاسىندا تۇرعاندار ءوز كوزدەرىنە سەنەر-سەنبەسىن بىلمەي، تاڭعالىسىپ جاتىر.
ال باس كەيىپكەر بۇل ارەكەتكە ەمدىك ماقساتتا بارىپ وتىرعانىن قاسىنداعى جولداستارىنىڭ ءبىرى ءتۇسىندىرىپ جاتادى: «كەرەمەت ءبىر ەم بار ەكەن، اسقازاندى جازاتىن...».
ايتا كەتەيىك، ۆيدەوعا ادامدار الۋان ءتۇرلى پىكىر قالدىرۋدا. بىرەۋلەر «ەم بولسىن» دەپ جاتسا، ەندى ءبىرى «انا باقانى يتكە بەرسەڭ دە جەمەيدى» دەپ جيىركەنىش ءبىلدىرىپ جاتىر.
Ем болсын 👀
