ا ق ش- تا جۇك ۇشاعى اپاتقا ۇشىرادى

استانا. قازاقپارات - ا ق ش- تىڭ باتىس ۆيردجينيا شتاتىنىڭ اكىمشىلىك ورتالىعى - چارلستون قالاسىنداعى اۋەجايدا Air Cargo اۋە كومپانياسىنىڭ جۇك ۇشاعى اپاتقا ۇشىراپ، ەكى ادام قازا تاپتى.

بۇل تۋرالى ت ا س س Metro News جەرگىلىكتى اقپاراتتىق ينتەرنەت-پورتالىنا سىلتەمە جاساپ حابارلادى.

ال ونىڭ اقپاراتى بويىنشا، اپات لاينەردىڭ جەرگە قونۋى كەزىندە بولعان. اۋەجايداعىلار اتاپ وتكەندەي، ۇشاقتىڭ قاناتى ۇشۋ-قونۋ جولاعىنا سوعىلىپ، ودان شەتكەرىگە - ورمان القابىنا قاراي شىعىپ كەتەدى.

بورتتا اۋە كەمەسىنىڭ كومانديرى مەن ەكىنشى ۇشقىش بولعان - ولاردىڭ ەكەۋى دە مەرت بولدى. ۇشاق جۇكتەردى ەكسپرەسس- جەتكىزىلىم جاسايتىن United Parcel Service UPS امەريكالىق لوگيستيكالىق كومپانياسىمەن كەلىسىمشارتقا وتىرعان.