يسلامحان قازاقستاننىڭ ساۋىردەگى ۇزدىك فۋتبولشىسى اتاندى

استانا. قازاقپارات - «قايرات» كومانداسىنىڭ كاپيتانى باۋىرجان يسلامحان Sports.kz پورتالى تاعايىنداعان «الماز» سىيلىعىنىڭ لاۋرەاتى اتاندى.

اتالمىش سىيلىق وسى ايدىڭ قورىتىندىسى بويىنشا بەرىلدى، دەپ حابارلايدى «قازاقپارات» ءتىلشىسى.

قازاقستاندىق باس باپكەرلەر مەن پرەمەر-ليگا فۋتبولشىلارى اراسىنداعى ساۋالناما بويىنشا، ەل ۆيتسە-چەمپيونداردىڭ 24 جاسار شابۋىلداۋشى جارتىلاي قورعاۋشىسى 26 ۇپاي جيناپ، قارسىلاستارىنان ايتارلىقتاي زور ايىرماشالىقپەن الدىعا شىقتى.

ەكىنشى ەڭ كوپ داۋىستى «ەرتىس» ويىنشىسى اسلان دارابايەۆ الدى. ۇزدىك ۇشتىكتى «قايرات» كومانداسىنىڭ تاعى ءبىر وكىلى، 13 ۇپاي جيناعان يساەل تۇيىقتادى. الماتىلىق كلۋبتا ونەر كورسەتەتىن برازيليالىق فۋتبولشى ءوزىنىڭ «قولاسىنا» ءساۋىر ايىنىڭ ەڭ ۇزدىك لەگيونەرى اتاعىن قوسىپ الدى.