جاس وسپىرىمدەر اراسىندا قازاق كۇرەسىنەن رەسپۋبليكالىق تۋرنير ءوتتى

قىزىلوردا. قازاقپارات- شيەلى اۋدانىنىڭ ەڭبەكشى اۋىلىندا ەكىنشى دۇنيەجۇزىلىك سوعىسىنىڭ جانە ەڭبەك ارداگەرى بايتىلەس ءجۇسىپ ۇلىن ەسكە الۋعا ارنالعان قازاق كۇرەسىنەن جاس وسپىرىمدەر اراسىندا رەسپۋبليكالىق تۋرنير ءوتتى، دەپ حابارلادى قازاقپارات.

اۋدان اكىمدىگىنەن ءمالىم ەتكەندەي، جارىسقا  قىزىلوردا قالاسى مەن سىر بويىنىڭ بارلىق اۋداندارىنان جانە كورشى جامبىل، وڭتۇستىك قازاقستان وبلىستارىنىڭ بالۋاندارى قاتىستى.

«تۋعان جەر» باعدارلاماسىنا ساي ۇيىمداستىرىلعان شارانى شيەلى اۋدانى اكىمىنىڭ ورىنباسارى الماسبەك ەسماحانوۆ اشىپ، سپورتشىلارعا ساتتىلىك تىلەدى.

سونداي-اق، بايتىلەس قاريانىڭ ۇلى، بەلگىلى قالامگەر، رەسپۋبليكالىق «ايقىن» گازەتىنىڭ باس رەداكتورى نۇرتورە ءجۇسىپ ءسوز سويلەپ، جارىستى ۇيىمداستىرۋشىلارعا ريزاشىلىق سەزىمىن بىلدىرسە، ەڭبەك ارداگەرى ەسىركەپ شادىبەكوۆ تە قازاقتىڭ التىن بەسىگى اۋىلدى كوتەرۋ تۇرعىسىنداعى وسىنداي شارالاردىڭ كوپ قولداۋىنا يە بولاتىندىعىن جەتكىزدى.

تۋرنير قورتىندىسىندا جەڭىمپازدارعا سىيلىقتار تاپسىرىلدى.