وبىرعا شالدىققان ەر ادام تۋعان قىزىنىڭ سۇتىمەن ەمدەلىپ ءجۇر - فوتو
2015 -جىلى ف رەدكە ىشەك وبىرى دەگەن دياگنوز قويادى. 2016 -جىل قىركۇيەك ايىنداعى وتا مەن حيمياتەراپيادان كەيىن بيىلعى جىلدىڭ ءساۋىر ايىندا اۋرۋى قايتا قوزا باستايدى. دارىگەرلەر وبىر جاسۋشالارىنىڭ ءالى جوعالماعانىن ايتۋدا.
ونىڭ 30 جاستاعى قىزى دجيلل تەرنەر زەرتتەۋلەردەن ومىراۋ ءسۇتىنىڭ اقۋىزى اعزاعا زيانىن تيگىزبەي، وبىر جاسۋشالارىن ولتىرە الادى دەگەندى وقىعان. سول ءۇشىن اكەسىنە ءوزىنىڭ ءسۇتىن ءىشۋدى ۇسىنعان.
وتكەن جىلدىڭ قازان ايىندا ول ليۋين ەسىمدى ۇلدى دۇنيەگە اكەلگەن. ونىڭ اعزاسىنان قازىر كوپ ءسۇت بولەتىندىكتەن بويجەتكەن اكەسى مەن بالاسىنا بىردەي ومىراۋ ءسۇتىن بەرە الادى.
ۋايتلوۋ باسىندا مۇنداي ەمگە قارسىلىق تانىتقانىمەن، كەيىننەن بايقاپ كورمەككە شەشىم قابىلدايدى.
"مەن اكەمنىڭ اۋرۋى قايتا قايتالانعانىن بىلگەندە، قاتتى قامىقتىم. بۇل اۋرۋدى قالاي ەمدەۋگە بولاتىنى تۋرالى زەرتتەۋ جۇرگىزىپ جۇرگەندە، ومىراۋ ءسۇتىنىڭ جاقسى ەم ەكەنى تۋرالى ماقالاعا كوزىم ءتۇستى. مەنىڭ جولداسىم ەكزەما اۋرۋىن ەمدەۋ ءۇشىن ومىراۋ ءسۇتىن قولدانىپ كورگەن، ۇلىمنىڭ كوزىندەگى كونيۋكتيۆتى دە ەمدەگەنبىز.
العاش وتباسىما ومىراۋ ءسۇتىنىڭ وبىردى ەمدەيتىنىن ايتقانىمدا، ءبارى مۇنى ءازىل دەپ قابىلداعان. اكەمنىڭ بۇعان قالاي قارايتىنىن بىلمەدىك. ءبىراق، ول ءوزىنىڭ ەشتەڭە جوعالتپايتىنىن ويلاپ، بايقاپ كورۋگە كەلىسىمىن بەردى"- دەيدى دجيلل تەرنەر METRO باسىلىمىنا بەرگەن سۇحباتىندا.
فرەدتىڭ قىزىنىڭ ءسۇتىن كوفەگە قوسىپ ىشكەنىنە كوپ ۋاقىت بولماعان. سول ءۇشىن ناتيجەلەر تۋرالى ايتۋعا ءالى ەرتەرەك. ولار ءتورت اپتادان كەيىن ونكولوگقا بارادى، سول كەزدە ءسۇتتىڭ اسەرىن بىلەتىن بولادى.
NUR. KZ
