ۇكىمەت كىرىس دەڭگەيى تومەن وتباسىلارمەن الەۋمەتتىك كەلىسىمشارت جاساسۋدا

استانا. قازاقپارات - الەۋمەتتىك كەلىسىمشارت جاساسقان ازاماتتارعا شارتتى اقشالاي كومەك كورسەتىلەدى.

 بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ەڭبەك جانە حالىقتى الەۋمەتتىك قورعاۋ ۆيتسە- ءمينيسترى سۆەتلانا جاقىپوۆا ءمالىم ەتتى، دەپ حابارلايدى قازاقپارات.

بريفينگ بارىسىندا ۆيتسە- مينيستر، از قامتىلعان ازاماتتاردى الەۋمەتتىك قولداۋ مەن ءومىر ءسۇرۋ ساپاسىن جاقسارتۋ باعىتىنداعى ءىس- قيمىلدارعا توقتالدى.

«الەۋمەتتىك ءالسىز حالىق توپتارىنا قامقورلىق - مەملەكەت قولعا العان الەۋمەتتىك ساياساتتاعى باستى باسىمدىقتار قاتارىندا قالا بەرەدى. بۇل ماقساتتا ق ر  ە ح ا ق م از قامتىلعان ازاماتتاردى الەۋمەتتىك قولداۋ جۇيەسىن جاڭعىرتۋ جانە ەڭ تومەنگى كۇنكورىس دەڭگەيىن قايتا قاراستىرۋ ماسەلەلەرى جونىندە ءتيىستى جۇمىس جۇرگىزىپ كەلەدى»، - دەپ اتاپ ءوتتى سۆەتلانا جاقىپوۆا.

2015 -جىلدىڭ 29 - قازانىندا مەملەكەت باسشىسى قول قويعان ق ر «قازاقستان رەسپۋبليكاسىنىڭ كەيبىر زاڭ اكتىلەرىنە حالىقتى الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»  زاڭىندا 2018 -جىلدىڭ 1 - قاڭتارىنان باستاپ، جۇمىسقا جارامدى وتباسى مۇشەلەرىنىڭ مىندەتتى تۇردە جۇمىسپەن قامتۋ شارالارىنا بەلسەندى قاتىسۋ تالابىمەن، ءاربىر مۇشەسىنە ساناعاندا تابىسى ەڭ تومەنگى كۇنكورىس دەڭگەيىنىڭ 50 پروتسەنتىنەن تومەن وتباسىعا، اتاۋلى الەۋمەتتىك كومەكتى (ا ءا ك) كورسەتۋدىڭ جاڭا ءتارتىبىن ەنگىزۋ قاراستىرىلعان.

س. جاقىپوۆانىڭ ايتۋىنشا، قۇرامىندا ەڭبەككە جارامدى كەم دەگەندە ءبىر مۇشەسى بار وتباسىعا الەۋمەتتىك كەلىسىمشارت جاساسقان جاعدايدا، سونىمەن قاتار، وتباسىنىڭ بارلىق ەڭبەككە جارامدى مۇشەلەرى جۇمىسپەن قامتۋ شارالارىنا مىندەتتى تۇردە قاتىسقان جاعدايدا شارتتى اقشالاي كومەك بەرىلەدى.

الەۋمەتتىك كەلىسىمشارتقا قول قويعان تاراپتار ءوزارا جاۋاپكەرشىلىكتى مويىندارىنا الادى: الەۋمەتتىك قىزمەتتەر جۇمىسپەن قامتۋ شارالارىن قاراستىرىپ، جاردەماقى تولەسە، وتباسىنىڭ ەڭبەككە جارامدى مۇشەلەرى تاۋىپ بەرگەن جۇمىسقا ورنالاسۋى ءتيىس.

«ادامعا تەك اقشالاي كومەك ۇسىنىلمايدى، وعان جۇمىسقا ورنالاسۋعا كومەك بەرىلەدى، قايتا دايارلاۋ مەن كاسىبي بىلىكتىلىگىن ارتتىرۋ ءۇشىن ءارتۇرلى كۋرستارعا جىبەرىلەدى. وسىلايشا، وتباسىنىڭ كەدەيلىك جاعدايىنان شىعۋ مۇمكىندىگى ىنتالاندىرىلادى. بۇل رەتتە بالالاردى الەۋمەتتىك قولداۋ كۇشىن جويمايدى، ياعني ا ءا ك، وتباسىنىڭ ەڭبەككە قابىلەتتى مۇشەلەرىنىڭ جۇمىسپەن قامتۋ شارالارىنا قاتىسۋ- قاتىسپاۋ جاعدايىنا قاراماستان تولەنە بەرەتىن بولادى»، - دەپ اتاپ ءوتتى سۆەتلانا جاقىپوۆا.

الەۋمەتتىك كەلىسىمشارت جاساعان تۇلعالارعا شارتتى اقشالاي كومەك كورسەتۋدى قاراستىراتىن «ورلەۋ» جوباسىن جۇزەگە اسىرۋ، 2014 -جىلدان بەرى اقمولا، شىعىس قازاقستان جانە جامبىل وبلىستارىندا باستاۋ الدى. 2015 -جىلعى 1 - شىلدەدەن باستاپ ۇقساس وڭىرلىك پيلوتتىق جوبالار جەرگىلىكتى بيۋدجەت قاراجاتى ەسەبىنەن قوسىمشا 38 اۋدان مەن قالادا جۇرگىزىلە باستادى. ماسەلەن، 2015 -جىلى «ورلەۋ» جوباسىنا 20,2 مىڭ ادام، 2016 -جىلى 38,8 مىڭ ادام قاتىستى.

2017 -جىلدىڭ 1 - ساۋىرىندەگى دەرەك بويىنشا «ورلەۋ» جوباسىنا 48,3 مىڭ ادام قاتىسىپ، جۇمىسپەن قامتۋعا جاردەمدەسۋ شارالارىمەن 9 مىڭ ادام نەمەسە جوبانىڭ ەڭبەككە قابىلەتتى قاتىسۋشىلارىنىڭ جالپى سانىنان 87 پايىزى قامتىلدى.

 جوبانى ىسكە اسىرۋ ناتيجەسىندە وعان قاتىسۋشىلاردىڭ جان باسىنا شاققانداعى ورتاشا كىرىسى 2 ەسەدەن استامعا ءوسىپ، ەڭبەككە قابىلەتتى قاتىسۋشىلارىنىڭ 90 پايىزى جۇمىسپەن قامتۋعا جاردەمدەسۋ شارالارىنا تارتىلدى جانە دە پيلوتتىق وڭىرلەردەگى اتاۋلى الەۋمەتتىك كومەكتى الۋشىلار قاتارى قىسقاردى.

جوبانى ءارى قاراي، ياعني 2017 -جىلى جۇزەگە اسىرۋ اۋقىمىندا، رەسپۋبليكالىق بيۋدجەتتەن 7,1 ميلليارد تەڭگە قاراستىرىلعان. بيىل «ورلەۋ» پيلوتتىق جوباسىنا ەلدىڭ بارلىق اۋدانى مەن قالاسىنان 150 مىڭعا جۋىق از قامتىلعان ازاماتتى تارتۋ جوسپارلانۋدا.

اۆتور: جاسۇلان جولدىبايەۆ