الماتى وبلىسىندا تاۋ بوكتەرىنەن كونە كىتاپتار تابىلدى
الماتى وبلىسىندا تاۋ بوكتەرىنەن كونە كىتاپتار تابىلدى
الاكول اۋدانىنداعى ەڭبەكشى اۋىلى ماڭىنان تابىلعان كىتاپتاردىڭ سانى - جەتەۋ. كوپتى ەلەڭ ەتكىزگەن زاتتاردى العاش تاپقان ەڭبەكشىلىك جاسوسپىرىمدەر. 1 - مامىردا كوككە شىعىپ، كوپ قازىنا ۇستىنەن ءتۇسىپتى.
«جۋا تەرىپ ءجۇرىپ، تاۋدىڭ جوعارى جاعىنا شىقتىق. سول ساتتە كۇنگە شاعىلىسىپ جاتقان كىتاپتاردىڭ بەتتەرىن كوردىك. ارابشا جازىلعان بولعاندىقتان، قۇران كىتابى ەكەن دەپ ويلادىق. بىردەن اۋىلعا بارعاندا مۇعالىمگە ايتتىق. سودان كەيىن بىرگە بارىپ، تاۋدىڭ بوكتەرىندە جاتقان كىتاپتاردى قازىپ الىپ، اۋىلعا اكەلدىك» ، دەيدى ەڭبەكشى ورتا مەكتەبىنىڭ وقۋشىسى ەرنات قۇدايبەرگەن.
كىتاپتاردىڭ ءبىرى 1898 -جىلى سانكت- پەتەربۋرگتەگى «يمپەراتور» ، ەندى ءبىرى -1902 -جىلى قازانداعى ايگىلى كارىموۆتەر باسپاسىنان شىعىپتى. عاسىر وتسە دە، جازۋلارى وشپەگەن. يمامدار وقىپ، اتاۋلارىن تىزىمدەگەن. ءۇش كىتاپ "جۇماقتىڭ كىلتى"، "شاريعات جولى"، جانە "حابارسىزداردى وياتۋ" دەپ اتالادى ەكەن. قۇندى ءدىني دۇنيەلەردى تاۋ ىشىنە "قىزىل ويران" تۇسىندا جەرگىلىكتى يمامدار تىققان دەگەن بولجام جاسالىپ وتىر. قۇندى كىتاپتار قازىر ورتالىق مەشىتتە ساقتاۋلى.
اۆتور: سامال قابىشيەۆا
