قازاقستانداعى قىتاي ەلشىلىگى ديماشتى قۇرمەت گراموتاسىمەن ماراپاتتادى

استانا. قازاقپارات - قىتاي مەن قازاقستان اراسىنداعى ديپلوماتيالىق قارىم- قاتىناستاردىڭ 25 جىلدىعىنا وراي، قازاقستاندىق ءانشى ديماش قۇدايبەرگەن قازاقستانداعى قىتاي ەلشىلىگىنىڭ قۇرمەت گراموتاسىمەن ماراپاتتالدى،

 دەپ حابارلايدى قازاقپارات.

 ءانشىنىڭ Instagram پاراقشاسىندا جاريالانعان فوتوسۋرەتتە قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى جاڭ حانحۇيدىڭ ديماشقا قۇرمەت گراموتاسىن تابىستاۋ ءساتى بەينەلەنگەن.

ەسكە سالا كەتسەك، ديماش قۇدايبەرگەن فاناتتارىنىڭ قۇرمەتىنە بيىلعى تۋعان كۇنىن قىتاي استاناسىندا اتاپ وتەدى. 24 - مامىر كۇنى بەيجىڭ قالاسىندا «توسىن سىيعا تولى تۋعان كۇن كەشى» تاقىرىبىنداعى كەزدەسۋ وتەدى. بۇل كەزدەسۋدە ءانشى جاڭا تۋىندىلارىن ورىنداپ، قىتايدا العان اسەرلەرىمەن، ويلارىمەن بولىسەدى.

اۆتور: ايجان سەرىكجان قىزى