تۇركيا مەن ازەربايجان بىرىككەن اسكەري جاتتىعۋ وتكىزىپ جاتىر
جاتتىعۋدا اسكەري تەحنيكا سىناقتان وتكىزىلىپ، ءىس- قيمىلدى ۇيلەستىرۋ ماشىعى جەتىلدىرىلمەك.
ازەربايجاننىڭ ەتنيكالىق ارمياندار تۇراتىن سەپاراتيستىك تاۋلى قاراباق ايماعى جاتتىعۋدى قاتاڭ سىنادى. «ەگەر ارانداتۋ بولسا، ءبىز جاۋاپ قايتارامىز» دەپ مالىمدەدى ايماق «باسشىلىعىنىڭ» وكىلى داۆيد بابادجان dpa اگەنتتىگىنە.
ازەربايجان مەن ارمەنيا جىكشىل تاۋلى قاراباق ايماعى ءۇشىن ءجيى جانجالداسىپ ءجۇر. تاۋلى قاراباق ازەربايجاننان 1990 - جىلداردىڭ باسىندا بولعان سوعىستا تاۋەلسىزدىگىن جاريالاعان. ول سوعىستان 30 مىڭعا تارتا ادام قازا تاپقان.
بىلتىر ساۋىردە تاۋلى قاراباقتاعى ءالسىز ءبىتىم بۇزىلىپ، ارميان سەپاراتيستەرى مەن ازەربايجان اسكەريلەرى اراسىندا ءتورت كۇندىك ۇرىس بولعان. ول جانجالدان 75 ادام قازا تاپقان.
ارمەنيا مەن تۇركيا اراسىنداعى قارىم- قاتىناس ءبىرىنشى دۇنيەجۇزىلىك سوعىستا وسمان يمپەرياسىندا ءبىر جارىم ميللونعا تارتا ارمياننىڭ دەپورتاتسيالانىپ، جاپپاي قىرىلۋىنا بايلانىستى شيەلەنىستى كۇيدە تۇر. ونداعان ارميانداردىڭ قىرعىنىن گەنوتسيد دەپ تانىعان. ءبىراق تۇركيا ول وقيعانىڭ گەنوتسيد ەكەنىن جوققا شىعارادى.
www.azattyq.org
