قىتايدا قارلى بوراندا جوعالعان الپينيستەردى ىزدەۋدە

استانا. قازاقپارات - ق ح ر- دا ەلدىڭ ورتالىق بولىگىندە تاۋعا كوتەرىلگەن كەزدە قارلى بوران سوعۋى سالدارىنان ەكى ادام قازا تاۋىپ، 23  ادام جوعالىپ كەتتى.

 شەنسي پروۆينتسياسىنداعى جينلين تاۋ تىزبەگى شىڭدارىنىڭ بىرىنە ءبىرىنشى مامىر مەرەكەسى قارساڭىندا 30 الپينيست شىققان. ولار قىتايدىڭ ءار اۋداندارىنان، ءۇش توپ بولىپ شينحاي جانە شيزاڭ پروۆينتسيالارىنان، سونداي- اق شاڭحايدان كەلگەن. 1 - مامىردا شىڭ باسى بورانداتىپ، الپينيستەرمەن بايلانىس ءۇزىلدى، دەپ حابارلادى South China Morning Post.

قۇتقارۋشىلار شاڭحاي توبىنان ەكى قازا تاپقان ءالپينيستىڭ مۇردەسىن تاپتى. شاڭحايدان تاعى بەس تۋريست تايباي تاۋىنىڭ شىڭىنان امان تابىلدى.

قالعان تۋريستەردى ىزدەۋ جالعاسۋدا.