بوزىمبايەۆ قازاقستان ءۇشىن مۇنايدىڭ قولايلى باعاسىن اتادى

استانا. قازاقپارات - ق ر ەنەرگەتيكا ءمينيسترى قانات بوزىمبايەۆ اعىمداعى كەزەڭدە قازاقستان ءۇشىن مۇنايدىڭ قولايلى باعاسىن اتادى، دەپ حابارلايدى قازاقپارات.

«بارلىق مۇناي ءوندىرۋشى ەلدەرمەن ترەندتە بولعىمىز كەلەدى. ءبىز ءۇشىن 50 دوللاردان تومەندەمەگەنى ماڭىزدى. بيۋجەت Brent ماركاسىنىڭ 50 دوللار قۇنىمەن بەلگىلەندى، سوندىقتان دا مۇناي ءوندىرۋدى ۇستاپ تۇرۋ بويىنشا اتالعان كەلىسىمدى ۇزارتۋ مۇمكىندىگى تۇرعىسىندا كەلىسسوزدەردى جۇرگىزەتىن بولامىز»، - دەدى بوزىمبايەۆ ۇكىمەتتە وتكەن باسپا ءسوز ءماسليحاتىندا.

ايتا كەتەيىك، بۇگىن تاڭەرتەڭ 1 باررەل مۇنايدىڭ قۇنى 48,5 دوللار بولدى. وسى ورايدا ول قازاقستان و پ ە ك- ءتىڭ مۇناي ءوندىرۋ كولەمىن تاعى 6 ايعا شەكتەۋ ۇسىنىسىن تالقىلاپ جاتقانىن ايتتى.

«بۇل ماسەلەنى تالقىلايمىز. ءبىراق ولاردىڭ كەلىسىمىنە قانداي شارتپەن قوسىلاتىندىعىمىز، قانداي كولەمدى شەكتەيتىندىگىمىز بەلگىسىز. وسى ماسەلەنى تالقىلاۋ ءۇشىن مينيسترلىكتەر مەن نەمەسە مەنىڭ ورىنباسارلارىم 24-25- مامىردا ۆەناعا بارادى»، - دەدى بوزىمبايەۆ.

بيىلعى ناۋرىز ايىندا ق ر ەنەرگەتيكا ءمينيسترى تاقتاتاس مۇنايىن ءوندىرۋ كولەمىنىڭ ارتۋى ەكسپورتتاۋشىلارعا ءتيىمسىز ەكەنىن اتاپ وتكەن بولاتىن. ەگەر دە مۇناي قۇنى باررەلىنە 60 دوللاردان اسسا، وندا ا ق ش- تا تاقتاتاس مۇنايىن ءوندىرۋ كولەمى ەلەۋلى كولەمدە ارتۋى ىقتيمال.

اۆتور: رۋسلان عابباسوۆ