استاناعا قۇبىرمەن جەتكىزىلەتىن گاز تاريفى كومىر مەن سۇيىتىلعان گازدان دا قىمبات بولماق

استانا. قازاقپارات - استاناعا قۇبىر ارقىلى جەتكىزىلەتىن گازدىڭ تاريفى كومىر مەن سۇيىتىلعان گازدان دا قىمبات بولايىن دەپ تۇر.

بۇل تۋرالى بۇگىن ق ر ۇكىمەتىندەگى باسپا ءسوز ءماسليحاتىندا ەلىمىزدىڭ ەنەرگەتيكا ءمينيسترى قانات بوزىمبايەۆ ءمالىم ەتتى، دەپ حابارلايدى قازاقپارات.

«استانانى گازداندىرۋدىڭ تەحنيكالىق-ەكونوميكالىق نەگىزدەمەسى «قازترانگاز» كومپانياسىمەن جاسالدى.

سودان كەيىن ساراپتاماعا جىبەرىلىپ، ول دا اياقتالدى. جالپى ايتقاندا ۇزىندىعى 1,8 مىڭ شاقىرىم گاز قۇبىرى  قىزىلوردا وبلىسىنان جەزقازعانعا، ودان قاراعاندى، تەمىرتاۋ ارقىلى استاناعا جەتكىزىلەدى. ەكىنشى كەزەڭدە كوكشەتاۋ مەن پەتروپاۆلعا تارتىلادى. وسىنداي جوبا بار»، - دەدى ول.

ءبىراق مينيستر بۇل جوبانىڭ قازىرگى ۋاقىتتا تالقىلانىپ جاتقاندىعىن باسا ايتتى. «ويتكەنى استانادا سوڭعى تاريف وتە جوعارى بولايىن دەپ تۇر. ونى كومىرمەن نەمەسە سۇيىتىلعان گازبەن سالىستىرساق تاريفى وتە جوعارى بولادى. بۇل ماسەلەدەن قالاي شىعۋ جولدارىن «قازترانس گازبەن»، اكىمدىكپەن تالقىلاپ جاتىرمىز. وسى ايدىڭ قورىتىندىسىن شىعارعان كەزدە ءدال وسى ماسەلەگە قاتىستى تاعى دا ايتامىز»، - دەدى بوزىمبايەۆ.