اقپارات ءمينيسترى جۋرناليستەردى «ۇركەر» سىيلىعىنا قاتىسۋعا شاقىردى
«مەنىڭ ويىمشا بۇل سىيلىق جۋرناليستەرگە ازدىق ەتەدى، ويتكەنى ءبىر سىيلىقپەن عانا جۋرناليستەردىڭ بىلىكتىلىگىن ايقىنداۋ مۇمكىن ەمەس. جۋرناليستەردىڭ ەڭبەگىن كاسىبي ابىرويى بويىنشا باعالاۋ ماڭىزدى. وسى سىيلىقتىڭ ارقاسىندا جۋرناليستەردىڭ بىلىكتىلىك دەڭگەيى جوعارىلايتىن بولادى. قازىلار القاسىنىڭ شەشىمىنە، كىم جەڭىمپاز بولاتىندىعىنا ءبىزدىڭ ەش ىقپالىمىز بولمايدى»، - دەدى «حابار» ارناسىنداعى «اشىق ديالوگ» جوباسى شەڭبەرىندەگى سوزىندە مينيستر.
سونداي-اق داۋرەن ابايەۆ جۋرناليستەر اراسىنداعى «تۇمار» ءبىرىنشى ۇلتتىق تەلەۆيزيالىق بايقاۋىنىڭ زور بەدەلگە يە بولعاندىعىن دا اتاپ ءوتتى.
«تۇمار» سىيلىعىنا ەڭ ۇزدىكتەر يە بولدى، الايدا وتكەن بايقاۋ شاراسىن قاراي وتىرىپ، ونداعى كەيبىر جايتتاردان ءبىز ساباق الدىق جانە ونى «ۇركەر» سىيلىعىن وتكىزۋ كەزىندە مىندەتتى تۇردە قاپەرىمىزدە ۇستايتىن بولامىز.
ياعني، ءبىز قازىلار القاسىنىڭ قۇرامى مەن نوميناتسيالاردى بۇرىنعىدان دا ەرتە جاريالايمىز، سونىمەن قاتار سىيلىققا يە بولعان ادامداردىڭ سالتاناتتى تابىستاۋ شاراسىنا دايىندىقپەن كەلۋى جانە مىندەتتى تۇردە قاتىسۋى ءۇشىن جەڭىمپاز ۇمىتكەردىڭ قىسقاشا ءتىزىمى نەمەسە باسقا دا نوميناتسيالار الدىن الا حابارلانادى. بۇدان باسقا بايقاۋعا بۇرىن قاتىسۋعا ءوتىنىم بەرگەن ۇمىتكەرلەر دە قاتىسا الادى، سوندىقتان دا جۋرناليستەردىڭ بەلسەندىلىك تانىتىپ جانە بايقاۋعا قاتىسۋعا ءوتىنىم بەرۋى وتە ماڭىزدى»، - دەدى مينيستر.
