استاناداعى ەڭ جايدارى ءجۇزدى جان ىزدەستىرىلىپ جاتىر
« Smile Astanaجوباسىن قولعا الىپ، استانا تۇرعىندارى ءۇشىن ەرەجەلەر جيناعىن قۇرۋدى ۇسىنامىن. ءبىر-بىرىمىزگە، اينالاداعىلارعا كۇلە قاراپ، قاريالارعا كومەكتەسەيىك، كەزەكتە تۇرعاندا قارت ادامداردى، جۇكتى ايەلدەردى العا وتكىزىپ، سىپايى بولايىق»، - دەپ ۇندەدى قالا باسشىسى شىعارماشىلىق فەستيۆال جەڭىمپازدارىن ماراپاتتاۋ راسىمىندە.
اكىمنىڭ بۇل ويىن قالانىڭ جاستار بىرلەستىكتەرى مەن ۇيىمدارى قولداپ، Smile Astana جوباسىن ىسكە اسىرۋعا تۇجىرىمدامالىق نەگىزدە كىرىستى. ناتيجەسىندە ەلوردانىڭ باقىتتى تۇرعىنىنىڭ بەينەسىن قالىپتاستىرۋعا باعىتتالعان جاڭا مادەني ترەند پايدا بولدى. جوبا شەڭبەرىندە ءتۇرلى اكسيالار، جاستاردىڭ فلەشموبتارى جانە كوڭىلدى بايقاۋلار قاراستىرىلعان.
سونداي-اق، قالادا ەڭ جارقىن ءجۇزدى ادام/ادەمى كۇلكى بايقاۋى جاريالانادى. بۇعان قوسا، قالا كوشەلەرىندە، قوعامدىق ورىنداردا جانە قالالىق كولىكتەردە جاستار ۇيىمدارىنىڭ وكىلدەرى ەلوردا تۇرعىندارى مەن قوناقتارىنا سمايلدار تاراتادى، كوشەدە الىپ قۋىرشاقتار ونەر كورسەتەدى.
ال الەۋمەتتىك جەلىلەردە #smileastana, اقجارقىن استانا حەشتەگتەرىمەن پوستتار قۇرىلادى. سونىمەن بىرگە، قالا كوشەلەرىندە قالا تۇرعىندارىنىڭ كوڭىلىن كوتەرەتىن سمايلدارى بار تيزەرلەر مەن بيلبوردتار پايدا بولادى. جوبانىڭ نەگىزىنە الەمدىك تاجىريبەنىڭ ترەندتەرى نەگىزگە الىنىپ، ەكسپو حالىقارالىق كورمەسى قارساڭىندا ەلوردا تۇرعىندارىن جاقسى كوڭىل كۇيگە كەلتىرۋ ماقساتى قويىلىپ وتىر.
2016-جىلى الەمدەگى ەڭ باقىتتى مەملەكەت اتاعىن دانيا (World Happiness Report 2016) ەلى يەلەنگەن بولاتىن. بۇل رەيتينگتە قازاقستان 54- ورىن الادى (رەسەي - 56-شى). استانا ماڭىزدى شارا - ەكسپو-2017 كورمەسىن قابىلداۋعا دايىندالۋدا.
ەلورداعا شەتەلدەن مىڭداعان قوناق كەلەدى، ولاردىڭ ىشىندە الەۋەتتى تۋريستەر، ينۆەستورلار جانە ەلىمىزدىڭ شەت مەملەكەتتەردەگى بولاشاق برەند-امباسسادورلارى بولادى. سول سەبەپتى ءدال قازىر ەلوردا تۇرعىنىنىڭ رۋحى مەن بەينەسىن قالىپتاستىرۋ ءۇشىن ءتيىمدى ۋاقىت جانە بۇعان ءاربىر ەلوردالىق ۇلەس قوسا الادى.
