دارىگەرلەر قايتىس بولعان اناسى مەن نارەستەنىڭ قالاي ءتىرىلىپ كەتكەنىن تۇسىندىرە الماۋدا
مايك پەن ترەيسيدى الداعى ساعاتتا ولاردى نە كۇتىپ تۇرعانى بەيمالىم ەدى.
بۇل تۋرالى oddlife.ru باسىلىمىندا جازىلدى.
بارلىعى ادەتتەگىدەي ءوز رەتىمەن ءجۇرىپ جاتتى. ترەيسيدىڭ تولعاعى باستالدى. تاجىريبەلى انا بولعاندىقتان، بۇل جولى قينالمادى. دارىگەرلەر ءالى كۇنگە دەيىن بوسانۋ ءۇردىسىنىڭ قالايشا «درامالىق قويىلىمعا» اينالىپ كەتكەنىن تۇسىنە الماي ءجۇر. مايك كەنەت ءبىر جايسىزدىقتى سەزىندى. اراعا بىرنەشە مينۋت سالىپ قۇرىلعىلاردىڭ داۋسى ەستىلە باستادى. ونىڭ ايەلىنىڭ جۇرەگى توقتاپ قالعان ەكەن.
دارىگەرلەر دۇربەلەڭگە سالىندى. ترەيسيدى ومىرگە قايتارماق بولدى. وسى بىرنەشە مينۋت مايكتىڭ ءومىرىن توزاققا اينالدىرىپ جىبەرگەندەي. ونىڭ جانىن بەلگىسىزدىك قينادى. كۇيەۋى ايەلىنىڭ تاعات ساناپ ومىرمەن قوشتاسىپ جاتقانىن امالسىز باقىلادى.
4 مينۋتتان كەيىن دارىگەرلەر ترەيسيدى ولدىگە سانادى. ءبىراق، ونىڭ ىشىندەگى ءسابي ءتىرى ەدى. سول سەبەپتى، دارىگەرلەر جاعدايدى بىردەن مايكقا ءتۇسىندىرىپ، ءسابيدى ايەلدىڭ ءىشىن جارىپ الادى.
پالاتا ىشىندە دارىگەرلەر مەن مەدبيكەلەر شۋلاپ جاتتى. بۇعان قوسا مەديتسينالىق قۇرىلعىلاردىڭ داۋسى قاتى شىعا باستادى. جەسىر قالعان مايك ەشنارسەنىڭ داۋسىن ەستىمەدى. ول دارىگەرلەردىڭ ايەلىنىڭ ءىشىن قالاي كەسىپ جاتقانىن باقىلاپ تۇردى. كوپ ۇزاماي ءسابي دە جارىق دۇنيەنى كوردى. بارلىعى ونىڭ داۋىس شىعارۋىن اسىعا كۇتتى. الايدا دارىگەرلەر كەش قالىپ، ەشقانداي داۋىس ەستىلمەدى. دارىگەرلەر ءسابيدى اكەسىنىڭ قولىنا ۇستاتتى. ءدال وسى ساتتە ءسابي باقىرىپ جىلادى. ول ءتىرى ەكەن!
ال بۇدان كەيىن بولعان وقيعانى تاڭعاجايىپقا بالاۋعا بولادى. دارىگەرلەر ترەيسيدىڭ مۇردەسىن ماتامەن جاۋىپ جاتىپ ونىڭ جۇرەگىنىڭ سوعىپ جاتقانىن بايقاپ قالادى. ءالسىز بولسا دا، قالىپتى. كوپ ۇزاماي ايەل كوزىن اشادى. ءالى كۇنگە دەيىن دارىگەرلەر ونىڭ قالايشا ءتىرىلىپ كەتكەنىن تۇسىندىرە المايدى. دەسە دە، مايكقا بۇل ساتتە ەشقانداي گيپوتەزالار كەرەك ەمەس ەدى. قۋانعان مايك كەلىنشەگىنە ءسابيىن كورسەتىپ جىلاپ الادى.
بۇگىندە بۇل ءسابي ءۇش جاسقا تولعان. ونىڭ اتا- اناسى مەن اعالارىنىڭ ماحابباتىنا بولەنۋىنە ەشكىم دە كەدەرگى جاساي المايدى. ال ترەيسيدىڭ باسىنان وتكەن جاعدايدا ماماندار ءالى كۇنگە دەيىن تۇسىندىرە الماي كەلەدى. دەسە دە، ولاردىڭ وتباسى مەرەكە قارساڭىندا ءدال وسىنداي سىيلىققا يە بولعاندارىن قۋانىشپەن ەسكە الادى.
