جۇماققا بارعىسى كەلگەن ءدىندار بىردەن بەس ايەل الدى - فوتو

استانا. قازاقپارات - بۇل وتباسىنىڭ حيكاياسى كوپتەگەن ادامدار ءۇشىن ءبىر ءتۇرلى بولىپ كورىنەدى.

ءبىراق ءبىر شاڭىراق استىندا ءومىر ءسۇرىپ جۇرگەن بەس بيكەش وزدەرىنىڭ باقىتتى ەكەندەرىن ايتۋدا. ال ءبىر كەزدەرى شىراقشى بولعان وتاعاسى ءوزىنىڭ وسىلاي جۇماققا باراتىنىنا سەنىمدى دەپ حابارلايدى fishki.net سايتىنا سىلتەمە جاساعان NUR. KZ.

43 جاستاعى برەدي ۋيليامس امەريكالىق يۋتا شتاتىندا تۇرادى. برەديدىڭ كورشىلەرى وعان تاڭدانىسپەن قاراسا، سۇراق استىنا الاتىن جۋرناليستەر سانى دا ازايار ەمەس. باقىتتى ەركەكتىڭ بۇگىندە بەس ايەلىنەن 24 دەنى ساۋ بالالارى بار.

ءبىر كەزدەرى ول مورموندارعا تيەسىلى شىراقشى بولعان. ءبىراق بۇگىندە ءدىندى ايەلدەردىڭ ماحابباتى ءۇشىن تاستاپ كەتكەن. ونىڭ بەس ايەلىنەن تۋعان 24 بالاسى بار. ول بەس ايەلىنىڭ بىرەۋىمەن دە اجىراسپاعان، ۇلكەن ەكى ءۇيى بار.

برەديدىڭ ءوزى بيزنەس-كەڭەسشى بولىپ جۇمىس ىستەيدى. ايەلدەرىنىڭ كەيبىرەۋى عانا جۇمىس ىستەيدى. 2013-2014-جىلدارى ۋيليامستار جايلى سەريال دا تۇسىرىلگەن.

جاتىن بولمەلەردە ورنالاسقان كامەرالار كورسەتكەندەي، ولاردىڭ كۇندەرى تاڭعى التىدان باستالادى. ءبىرىنشى بولىپ وتاعاسى برەدي ويانادى. ارى قاراي ول ايەلدەرىنىڭ بەتتەرىنەن ءسۇيىپ، ءبىر-بىرلەپ وياتىپ شىعادى.

ولاردىڭ جاتىن بولمەلەرى بولەك بولعانمەن، كەشكى استا ءبارى ءبىر داستارحانعا جينالادى. ۋيليامستىڭ ۇلكەن ۇلىنىڭ ايتۋىنشا، كەيدە بارلىعىنا وتىراتىن ورىندىق جەتپەي جاتادى.

مورموندىقتاردىڭ (ادەتكى حريستيان ءدىنىنىڭ نەگىزىن قالاۋشىلاردىڭ ءبىرى) قاتارىنان كەتكەن سوڭ، برەدي فۋندامەنتالدى كوپ ايەل الۋشىعا اينالعان. ەر ادامنىڭ ءوزى دە، جاڭا دوستارى دا كوپ ايەل العان ادام، ولگەن سوڭ جۇماققا باراتىنىنا سەنىمدى.

ۋيليامستار وتباسىنىڭ ءومىرىن كامەرا ارقىلى جۇرتقا كورسەتۋگە كوپ نەكەلىلىكتى جاقتايتىن دوستارى قارسى بولدى. مۇنداي وقيعالاردى مۇسىلمان ەلدەرىنەن عانا كەزدەستىرەتىن باتىستىقتار ءۇشىن بۇل قىزىق وقيعا بولىپ كورىنگەن.