جاپونيا ورمانداعى ءورتتى ءبىر اپتادان بەرى سوندىرە الماي جاتىر

استانا. قازاقپارات - جاپوندىق اسكەري قىزمەتشىلەر جۇما كۇنى ورتپەن كۇرەستى جاڭارتتى.

اپاتقا ۇشىراعان «فۋكۋسيما-1» ا ە س جابىق ايماعىندا راديواكتيۆتى ورماندا وتكەن سەنبىدەن بەرى جالىندى اۋىزدىقتاۋ مۇمكىن بولماي جاتىر، دەپ حابارلادى ت ا س س.

ءورتتى ءسوندىرۋ ءۇشىن تىكۇشاقتار پايدالانىلۋدا. جەردە قورعانىس كومبينەزونىن كيگەن 240 ادام جالىنمەن ارپالىسۋدا.

فۋكۋسيما پرەفەكتۋراسى بيلىگىنىڭ دەرەكتەرىنە سايكەس، ءورت سالدارىنان رادياتسيا دەڭگەيىنىڭ ارتۋى تىركەلگەن جوق. قازىرگى ۋاقىتتا اپاتتى ا ە س- كە بىرنەشە ونداعان شاقىرىم جەردە ناميە قالاسىندا تاۋ بەتكەيلەرىنىڭ ماڭىنداعى 20 گەكتاردان استام ورمان جانىپ كەتتى.

ورتپەن كۇرەسۋگە كۇشتى جەل كەدەرگى كەلتىرۋدە. جالىننىڭ تۇتانۋىنا نايزاعاي سەبەپ بولعان دەپ بولجانۋدا.