ورتالىق ازيادا ءبىر تاۋلىكتە بەسىنشى رەت جەر سىلكىندى

استانا. قازاقپارات - ق ر ب ع م «سەيسمولوگيالىق تاجىريبە- ادىستەمەلىك ەكسپەديتسياسى» م م سەيسميكالىق ستانسالار جەلىسى 2017 -جىلدىڭ 4 -مامىر كۇنى الماتى ۋاقىتىمەن 22 ساعات 16 مينۋت 59 سەكۋندتا جەر سىلكىنىسىن تىركەدى.

ءزىلزالانىڭ ەپيسەنترى الماتى قالاسىنان وڭتۇستىك باتىسقا قاراي 794 ك م ايماقتا، تاجىكستان مەن اۋعانستان شەكاراسىندا بولدى. «جەر سىلكىنىسىنىڭ ەنەرگەتيكالىق كلاسى 10.8. ماگنيتۋداسى MPV 5.3» ، - دەلىنگەن «الماتى» س ب ب و كەزەكشى وپەراتورىنىڭ حابارلاماسىندا.

وسىعان دەيىن حابارلانعانىنداي، ورتالىق ازيا اۋماعىندا، ناقتىراق ايتقاندا، قىرعىزستان مەن تاجىكستاننىڭ شەكارا ايماعىندا، دۋشانبەدەن سولتۇستىك شىعىسقا قاراي قىرعىزستان اۋماعىندا ءبىر تاۋلىكتە 4 جەر سىلكىنىسى تىركەلدى.