سايىپقىران ساربازدارىمىزدىڭ اۋەدەگى الەۋەتى زور
بۇل - 2003 -جىلى ىرگەتاسى قالانعان اقمولا وبلىسىنداعى 44813 اسكەري بولىمىندەگى كەزەكتى وقۋ- جاتتىعۋ دابىلى. ەلىمىزدىڭ اۋە قورعانىسىنىڭ الەۋەتىن ارتتىرۋ جولىندا بۇل اسكەري مەكەمەنىڭ شوقتىعى بيىك. «سەبەبى اۋە شابۋىلدارىنا تويتارىس بەرىپ، جاۋىنگەرلىك ەسەپتەردى ۇيلەستىرۋ - جاۋاپتى ءىس»، - دەيدى ءابيبۋللا امانبايەۆ.
1993 -جىلى اسكەري قىزمەتكەر اتانعان ول بۇگىندە وتان ءۇشىن وت كەشۋگە دايىن جاستاردى زەنيتتىك- زىمىران كەشەندەرى مەن راديوتەحنيكالىق قۇرىلعىلاردى شىنايى ۇرىس بارىسىندا قالاي قولدانۋ كەرەكتىگىن ۇيرەتەدى.
ءابيبۋللا امانبايەۆ، ق ر 44813 اسكەري ءبولىمىنىڭ بريگادا سەرجانتى:
- نەگىزگى مىندەتىم - جاس ساربازداردى اسكەري ءتارتىپ پەن وقۋ جاتتىعۋ جۇمىستارىنا بەيىمدەۋ. مىنا جاھاندانۋ زامانىندا كوپتەگەن ەل اۋە شابۋىلدارىنا اسا ءمان بەرە باستادى. ءبىز قاۋىپتىڭ كەز كەلگەن تۇرىنە تويتارىس بەرۋگە دايىن بولۋىمىز كەرەك. وعان ەلىمىزدىڭ قارۋلى كۇشتەرىنىڭ قارىمى جەتەدى. تەحنيكالارىمىز دا تىڭ.
ءابيبۋللا امانبايەۆ مىنا س-300 زەنيتتىك زىمىرانى كەز كەلگەن ۇشاق پەن اۋەدەن شابۋىلداعان قۇرىلعىلاردى 100 پايىز جوياتىندىعىن ايتادى. 27 شاقىرىم بيىكتىكتەگىنى قالت جىبەرمەيتىن تەحنيكا جەر بەتىندە 75 شاقىرىمداعى نىسانانى جويىپ جىبەرۋگە قاۋقارلى.
ءابيبۋللا امانبايەۆ، ق ر 44813 اسكەري ءبولىمىنىڭ بريگادا سەرجانتى:
- ءبىزدىڭ اسكەري بولىمدە فيزيكاعا باسىمدىق بەرىلەدى. سەبەبى مۇنداعى سارباز دەر كەزىندە ءتيىستى شەشىم قابىلداۋى شارت. قۋانتارلىعى جىل ساناپ وتان الدىنداعى بورىشىن وتەگىسى كەلەتىن ساربازدارىمىزدىڭ قاتارى ارتىپ كەلەدى.
بۇگىندە اسكەريلەردىڭ مارتەبەسى ارتىپ، مەملەكەت تاراپىنان بارلىق جاعداي جاسالعان. بۇگىندە ەل يگىلىگى جولىندا ءوز مىندەتىن بۇلجىتپاي ورىنداپ جۇرگەن وتان قورعاۋشىلار شەن ءۇشىن ەمەس، ەل ءۇشىن قىزمەت ەتەتىندىكتەرىن بايقاتتى. اسكەري تاربيەنى تۋ ەتىپ، باتىلدىققا باۋلىعان تالىمگەرلەر ارميامىزدىڭ ايبىنى اسقاق ەكەنىنە ەش كۇمان كەلتىرمەيدى.
www.24.kz
