ا ق ش- تا كاسىپكەر سۋ قويماسىن قوقىستان تازالايتىن قۇرىلعى ويلاپ تاپتى

استانا. قازاقپارات -  ا ق ش- تىڭ بالتيمور قالاسىنداعى كاسىپكەر وزەندى قوقىستان تازارتاتىن قۇرىلعى ويلاپ تاپتى. مەحانيزم ەش جانار- جاعارمايسىز تەك كۇننىڭ قۋاتى جانە وزەننىڭ اعىسىمەن جۇمىس ىستەيدى.

 قاراپايىم قۇرىلعى سۋدىڭ بەتىندەگى قالقىعان زاتتاردى ءسۇزىپ الىپ، ءوزىنىڭ قوقىس جاشىگىنە سالادى. جينالعان زاتتار شاھارداعى قايتا وڭدەۋ زاۋىتىنا جەتكىزىلەدى.

 قۇرىلعى يەسىنىڭ ايتۋىنشا، مەحانيزم ءۇش جىلدىڭ ىشىندە 500 توننا قوقىس جيناپ ۇلگەرگەن. ال قۇرىلعىنىڭ تۇرعىندار قولداۋىنا يە بولعانى سونشالىق، ونى جاساۋشىلار عالامتور ارقىلى ەكىنشى اپپارات قۇرۋعا قارجى جيناپ العان.

 ادام ليندكۆيست، «تازا ايلاق» جوباسىنىڭ قىزمەتكەرى:

 - كەيدە توسىن جاعدايعا تاپ بولىپ، جاڭا قۇرىلعىنىڭ قايران قالدىراتىنى بار. بىردە افريكا جاعالاۋىن مەكەندەيتىن ۇلكەندىگى ءبىر جارىم مەتردەي كورولدىك پيتون قۇرىلعىعا وراتىلىپ قالىپتى. ۇرەيىڭدى ۇشىرار ءابجىلاندى ۇستاۋ ءۇشىن ماماندار شاقىرۋعا تۋرا كەلدى.

www.24.kz