كيىكتەر قازاق دالاسىنىڭ ءار قيىرىنا تاراتىلادى

استانا. قازاقپارات - ءتولىن ورگىزگەن كيىكتەر پاستەرەللەز ىندەتى تىركەلگەن جەرلەردەن الىس ايماقتارعا تاراتىلاتىن بولادى، دەپ حابارلادى «قازاقپارات» ح ا ا ءتىلشىسى قوستاناي وبلىستىق تابيعاتتى قورعاۋ پروكۋراتۋراسىنا سىلتەمە جاساپ.

 بۇل قۇرالاي سالقىنى كەزىندە كيىكتىڭ وسى ءتۇرىن ساقتاۋ جانە كيىكتەرگە قولايلى جاعداي تۋعىزۋ ماقساتىنداعى جالعىز شارا ەمەس.

اتاپ ايتقاندا، وڭىرلىك تابيعاتتى قورعاۋ پروكۋراتۋراسى ەكى جىل بۇرىن كيىكتەر قىرىلعان ورىنداردا توپىراققا، سۋ، اۋا جانە وسىمدىكتەرگە ورگانيكالىق لاستاۋىشتار مەن اۋىر مەتالداردىڭ بولۋىنا كەشەندى زەرتتەۋلەر جۇرگىزەدى. بۇدان باسقا، تابيعاتتى قورعاۋ ورگاندارى كيىكتەردىڭ ءۇي جانۋارلارىمەن بايلانىسىن شەكتەۋگە تىرىسىپ، «التىن دالا» رەزەرۆاتىندا ستاتسيونارلىق جانە موبيلدى باقىلاۋ- وتكىزۋ پۋنكتتەرىنىڭ سانىن ارتتىرۋ بويىنشا ءبىرقاتار شارالار وتكىزەدى.

كيىكتەردى بروكونەرلەردەن قورعاۋ ءۇشىن قوسىمشا كۇشتەر مەن تەحنيكا تارتىلادى. قازىرگى كەزدە قوستاناي وبلىسىنىڭ اۋماعىندا كيىكتەردىڭ سانى 1974 باستى قۇرايدى، ولاردىڭ قونىس اۋدارۋى جالعاسۋدا. 2015 -جىلعى مامىردا بەتپاقدالا پوپۋلياتسياسىندا كيىكتەر جاپپاي قىرىلعان ساتتەن باستاپ ولاردىڭ سانى ەداۋىر ازايدى.

 ەسكە سالساق، 2015 -جىلى ءۇش وڭىردە 134 مىڭ كيىك قىرىلدى. 2013 -جىلى قوستاناي، اقتوبە، اقمولا وبلىستارىندا پاستەرەللەزدەن - 1,5 مىڭ، 2012 -جىلى - 1 مىڭ، 2010 -جىلى 12 مىڭعا جۋىق كيىك قىرىلدى.