18:42, 04 - مامىر 2017 | GMT +5
اۋعانستانداعى «تاليبان» مەملەكەتتىك ورگان قۇراتىنىن مالىمدەدى
استانا. قازاقپارات - اۋعانستانداعى «تاليبان» راديكالدى قوزعالىسى ەل اۋماعىندا ءوزىنىڭ مەملەكەتتىك ورگاندارىن قۇراتىنى تۋرالى مالىمدەدى.
ۇيىمنىڭ باسپا ءسوز حاتشىسى زابيحۋللا مۋدجاحيدتىڭ ايتۋىنشا، قازىر بۇل ۇيىم اۋعان جەرىنىڭ 52 پايىزىنا ءامىرىن جۇرگىزىپ وتىر.
تالىپتەر ەندى اسكەري قيمىلداردى كۇشەيتىپ قانا قويماي، ساياسي ىقپالىن دا كەڭەيتۋدى كوزدەيدى. بۇل ءىس جۇزىندە جەكە- دارا مەكەمەلەر قۇرۋ دەگەندى بىلدىرەدى. سونداي- اق قوزعالىس وكىلى كوكتەمگى جورىقتاردىڭ باستالۋىنا بايلانىستى بەيبىت تۇرعىندارعا اسكەري بازالاردان اۋلاق ءجۇرۋ كەرەكتىگىن ەسكەرتتى.
www.24.kz
