ەلوردانىڭ جاڭا جۇمىس ۋاقىتى كەستەسىنە كوشەتىن كۇنى بەلگىلەندى
دەپ حابارلايدى قازاقپارات.
«ەلوردا حالقىنىڭ، سوعان وراي كولىك سانىنىڭ جىل سايىن وسۋىنە بايلانىستى، اسىرەسە قاۋىرت ۋاقىتتاردا جۇمىس ۋاقىتىن ءتيىمدى سارالاۋ وزەكتى بولىپ وتىر. جۇمىس ۋاقىتىن اۋىستىرۋ بۇكىل الەمدە كەڭىنەن تارالعان جانە قالا كوشەلەرىندەگى كولىك اعىنىن تومەندەتۋگە باعىتتالعان. ونىڭ وڭ ناتيجەلەرى دە بار»، - دەدى ول.
وسىعان وراي ونىڭ سوزىنە قاراعاندا، ەكسپو-2017 حالىقارالىق مامانداندىرىلعان كورمەسى قارساڭىندا جانە كورمە كەزىندە ەلوردادا كولىك سانى ارتا تۇسەتىن بولادى. ال بۇل ءوز كەزەگىندە قالا كوشەلەردە كەپتەلىستىڭ كوپتەپ ورىن الۋىنا تۇرتكى بولارى انىق.
«وسىعان وراي جۇمىس ۋاقىتىن سارالاۋ مىنا ەكونوميكالىق ساناتتارعا جۇرگىزىلەدى. قۇقىق قورعاۋ ورگاندارىنىڭ، مەديتسينا، ءبىلىم بەرۋ ۇيىمدارىنىڭ، بالاباقشا، مەكتەپتەردىڭ جۇمىس ۋاقىتى بۇرىنعىشا قالدىرىلادى. قۇرىلىس ۇيىمدارىنىڭ جۇمىس ۋاقىتىن ساعات 9-دان 7-گە، قالانىڭ كوممۋنالدىق قىزمەتتەرى مەن ونەركاسىپتىك جانە وندىرىستىك سەكتورلارىن 9-دان 7-30-عا، حالىققا قىزمەت كورسەتۋ ورتالىقتارى مەن قارجى ينستيتۋتتارىن 9-دان 10-عا، ساۋدا، ويىن- ساۋىق ۇيىمدارىن 10-نان 10-30-عا، ۇلتتىق كومپانيالاردى 9-دان 9-30-عا اۋىستىرۋ ۇسىنىلادى»، - دەدى يگەنبەردينوۆ.
سونىمەن قاتار ول رەسپۋبلييكالىق باسقارۋ ورگاندارىنىڭ، جەرگىلىكتى اتقارۋشى ورگانداردىڭ جۇمىس ۋاقىتىن ساعات 9-دان 8-30-عا، ال جوعارى وقۋ ورىندارى مەن مامانداندىرىلعان وقۋ ورىندارىنىڭ جۇمىس ۋاقىتى 9-دەن 10-عا اۋىستىرىلاتىندىعىن باسا ايتتى.
«بۇل شارالار قاربالاس ساتتە قالا كوشەلەرىندەگى كولىك جۇكتەمەسىن ازايتۋعا مۇمكىندىك بەرەتىن بولادى. ەلوردا 1 - ماۋسىمنان باستاپ جاڭا جۇمىس ۋاقىتى كەستەسىنە كوشەدى»، - دەدى باسقارما باسشىسى.
اۆتور: مارلان جيەمباي
