ءانشى التىناي پوليتسەيدى ءبىز وكشەلى تۋفليىمەن تەپكەنى ءۇشىن سوتتالىپ كەتتى
قاڭتاردىڭ 12 سىنەن 13 ىنە قاراعان ءتۇنى پوليتسيا قىزمەتكەرلەرى Honda Accord ماركالى اۆتوكولىگىن توقتاتپاق بولعان. الايدا كولىك جۇرگىزۋشىسى ءتارتىپ ساقشىلارىنىڭ بۇيرىعىنا باعىنبايدى.
اۆتوموبيلدى قۋىپ جەتكەننەن كەيىن رولدە ىشىمدىككە سىلقيا تويىپ العان قىز وتىرعانى انىقتالعان. كولىكتىڭ قۇجاتتارىن تالاپ ەتكەن پوليتسەيلەرگە ول ءانشى ەكەنىن راستايتىن ۆيزيتكاسىن كورسەتەدى. ول ازداي، ماس بويجەتكەن ءتارتىپ ساقشىسىن تۋفليىمەن تەۋىپ جىبەرىپ، قاباعىن جارىپ تاستاعان.
سونداي-اق، ول وش قالاسى ءى ءى د باسشىسى قىلىشبەك جولدوشوۆتى تانيتىنىن ايتىپ، قورقىتادى.
ءتارتىپ ساقشىلارىنىڭ ايتۋىنشا، 27- ءساۋىر كۇنى وش وبلىسىنىڭ سوتى جايناقوۆاعا قاتىستى ۇكىم شىعارعان. «قوعامدىق ءتارتىپتى ساقتاۋ قىزمەتىن اتقاراتىن بيلىك وكىلدەرىنە قارسىلىق تانىتىپ، بۇزاقىلىق جاساۋ» بابى بويىنشا سوت ونى كىنالى دەپ تاۋىپ، ءتورت جىلعا باس بوستاندىعىنان ايىردى.
