وڭتۇستىك كورەيادا پرەزيدەنت سايلاۋىنا مەرزىمىنەن بۇرىن داۋىس بەرۋ باستالدى

استانا. قازاقپارات - كورەيا رەسپۋبليكاسىنىڭ بىرنەشە مىڭداعان ازاماتى ەلدەگى پرەزيدەنت سايلاۋىنا مەرزىمىنەن بۇرىن داۋىس بەرۋگە قاتىستى.

ۇلتتىق سايلاۋ كوميسسياسى (ۇ س ك) حابارلاعانداي، جەرگىلىكتى ۋاقىتپەن تاڭعى ساعات 9 دا 590 مىڭ ادام ارنايى جاشىكتەرگە بيۋللەتەندەردى سالدى، دەپ حابارلايدى ت ا س س.

«5- مامىرعا دەيىن جالعاساتىن مەرزىمىنەن بۇرىن داۋىس بەرۋگە كوپتەگەن سايلاۋشىلار قاتىسادى دەپ كۇتىلۋدە»، - دەپ اتاپ ءوتتى ۇ س ك.

2014-جىلى وتكەن جەرگىلىكتى سايلاۋدا ەلدە تىركەلگەن 42,4 ميلليون ادامنىڭ 11,5 پايىزى نەمەسە سايلاۋعا كەلگەندەردىڭ 20,2 پايىزى الدىن الا داۋىس بەرگەن ەدى.

بارلىق بيۋللەتەندەر ءمور باسىلعان سەيفتەردە ساقتالىپ، 9- مامىر كۇنى كەشكە پرەزيدەنت سايلاۋى اياقتالعاننان كەيىن اشىلادى.

جوعارى مەملەكەتتىك لاۋازىم ءۇشىن 13 ۇمىتكەر كۇرەسىپ جاتىر. تىركەلگەن كانديداتتاردىڭ ەكەۋى سايلاۋالدى جارىسقا قاتىسۋدان باس تارتقان.