وسكەمەننىڭ اكىمى اكەسىنىڭ سىرقاتتانىپ قالۋىنا بايلانىستى قىزمەتىنەن كەتەدى
ەرلان ايمۇقاشەۆ قالالىق اكىمدىكتىڭ باسشىسى قىزمەتىندە ءبىر جىلدان اسا ۋاقىت جۇمىس ىستەگەن. وسىلايشا، وسكەمەننىڭ اكىمى جۋرناليستەرمەن رەسمي تۇردە قوشتاستى. «بۇل وڭاي شەشىم بولعان جوق، وتباسىنداعى جاعدايلارعا - ەگدە جاستاعى اكەمنىڭ سىرقاتتانىپ قالۋىنا بايلانىستى. مەنىڭ بورىشىم - قازىر ونىڭ جانىندا بولۋ. وكىنىشكە قاراي، جۇمىستاعى جوسپارلاردىڭ بارلىعى ورىندالعان جوق. مەنىڭشە، ءالى ءبارى الدا»، - دەدى ەرلان ايمۇقاشەۆ ب ا ق وكىلدەرىنە.
وبلىستىق ورتالىقتىڭ اكىمىنىڭ ايتۋىنشا، ونىڭ بۇل شەشىمى جايلى ءوڭىر باسشىلىعى بىلەدى. ايتا كەتەيىك، ەرلان ايمۇقاشەۆ 2016 -جىلدىڭ 20 -ساۋىرىندە وسكەمەن اكىمى بولىپ تاعايىندالعان ەدى. ول بۇل قىزمەتىنە دەيىن ش ق و اكىمى اپپاراتىن باسقاردى. سونداي-اق، ەرلان ايمۇقاشەۆ ۇزاق جىلدار بويى قازىرگى ۋاقىتتا ش ق و اكىمى قىزمەتىن اتقارىپ جۇرگەن دانيال احمەتوۆتىڭ كومانداسىندا ءتۇرلى لاۋازىمداردى اتقارعان.
