قارىزدى قانداي ادامدار كوبىرەك الادى؟
«روبوت زايمەر» اناليتيكالىق ورتالىعىنىڭ جۇرگىزگەن زەرتتەۋىنە سايكەس وتباسىلى ادامدار بويداقتارعا قاراعاندا قارىزداردى 7,7 پايىزعا ءجيى راسىمدەيتىنى بەلگىلى بولعان. 2016 -جىلدىڭ قاڭتارىنان باستاپ 2017 -جىلدىڭ ساۋىرىنە دەيىنگى كەزەڭدە وتباسىلىق جاعدايىن كورسەتكەن قارىز الۋشىلاردىڭ 37383 ساۋالنامالارىنا تالداۋ جاسالدى.
2017 -جىلدىڭ دەرەكتەرى بويىنشا كليەنتتەردىڭ 51,4 پايىزى - رەسمي نەكەدەگى تۇلعالار. 2016 -جىلى - ۇيلەنگەن جانە تۇرمىس قۇرعان قارىز الۋشىلار 48,5 پايىز كورسەتكىشپەن ازىراق بەلسەندىلىك تانىتتى. 2017 -جىلى بويداقتاردىڭ ۇلەسى 39,8 پايىزدى قۇرادى، بۇل وتكەن جىلمەن سالىستىرعاندا 3,7 پايىزعا ارتىق. سونداي-اق، نەكەدەگى تۇلعالار مەن بويداقتاردان باسقا ءوزىنىڭ وتباسىلىق مارتەبەسىن «ازاماتتىق نەكە»، «اجىراسقان» جانە «تۇل ەر ادام/جەسىر ايەل» رەتىندە كورسەتكەن ءبىرقاتار قارىز الۋشىلار بار.
زەرتتەۋگە سايكەس، نەكەدەگى كليەنتتەر مەن بويداقتاردان كەيىن جالپى ستاتيستيكادا «اجىراسقان» قارىز الۋشىلار ورىن الادى - كليەنتتەر بازاسىندا 6,6 پايىزدى قۇرايدى. بويداقتار مەن اجىراسقان تۇلعالار اراسىندا بەلسەندىلىكتە ۇلكەن ايىرماشىلىق بايقالادى: اجىراسقان قارىز الۋشىلار بۇرىن نەكە قۇرماعان تۇلعالارعا قاراعاندا جالاقىعا دەيىن قارىزداردى 6 ەسەگە سيرەك راسىمدەگەن.
سونىمەن قاتار، ونلاين- نەسيە بەرۋ سەرۆيسىنە 1,55 پايىزدى قۇرايتىن «تۇل ەر ادام/جەسىر ايەل» وتباسىلىق مارتەبەسىندەگى تۇلعالار مەن 0,65 پايىزدى قۇرايتىن ازاماتتىق نەكەدەگى تۇلعالار بارىنەن دە سيرەك جۇگىنگەن.
