قازاق كۇرەسى قارت قۇرلىقتا
وعان قارت قۇرلىقتىڭ 20 دان اسا ەلىنىڭ تۇيە پالۋاندارى قاتىسىپ، ەكى كۇن بويى كۇش سىناستى. اتالعان فەدەراتسيانىڭ ءبىرىنشى ۆيتسە- پرەزيدەنتى سەرىك توكەيەۆتىڭ ايتۋىنشا، ەۋروپانىڭ جەر- جەرىنەن بالقان تۇبەگىنە جينالعان پالۋانداردىڭ كۇرەسى اسا تارتىستى جانە قىزىقتى ءوتتى. جارىستا جانكۇيەرلەردىڭ قازاق كۇرەسىنە دەگەن قىزىعۋشىلىعى ارتىپ، ءبىر جەلپىنىپ قالدى.
"ەۋروپا چەمپيوناتى 1 - مامىر كۇنى باستالدى. قارت قۇرلىقتا قازاق كۇرەسىنە قىزىعۋشىلىق جىل سايىن ارتىپ كەلەدى. بيىل دا ونى تاماشالاۋعا كوپ ادام جينالدى. جالپى، ەۋروپالىقتار كۇرەس ونەرىنە زور ءمان بەرەدى. ەۋروپادا گرەك- ريم، ەركىن كۇرەسى، دزيۋدو سياقتى جارىستاردا الدىنا جان سالمايتىن سپورشىلار كوپ. سەربيادا سولاردىڭ كوبى ءبىزدىڭ ۇيىمداستىرعان چەمپيوناتىمىزعا قاتىستى. وسى سىندا باس جۇلدەنى گرۋزيالىق سلاۆيك رەزەسيدزە جەڭىپ الدى. ەكىنشى ورىندى گوللانديالىق حوسەيني شەيحي، قولا مەدالدى بەلارۋس دميتري نراميكا مەن سلوۆەنيالىق مارتين ياناتا يەلەندى" - دەدى سەرىك توكەيەۆ.
سونىمەن بىرگە ول جارىستىڭ الدىندا 29-30 ءساۋىر كۇندەرى نوۆىي ساد قالاسىندا كارى قۇرلىقتىڭ ماماندارىنىڭ قاتىسۋىمەن ءتول كۇرەسىمىزدىڭ ەرەجەلەرىنە ارنالعان حالىقارالىق سەميناردىڭ وتكەنىن ايتتى.
"جيىنعا دۇنيەجۇزىلىك قازاق كۇرەسى فەدەراتسياسى تورەشىلەر كوميتەتىنىڭ وكىلدەرى، تورەشىلەر ءتوراعاسى باقىت جاڭبىربايەۆ، ەرەجەلەر اۆتورىنىڭ ءبىرى، سپورت ارداگەرى مارات جاقىت، حالىقارالىق دەڭگەيدەگى تورەشى قۋانىش ناحانوۆ پەن فەدەراتسيانىڭ باس حاتشىسى نۇرلىبەك ەرماعامبەتوۆ قاتىستى. ولار ەكى كۇن بويى ەۋروپالىق ارىپتەستەرىنە ۇلتتىق كۇرەسىمىزدىڭ دامۋ دەڭگەيى مەن ونىڭ بولاشاعى تۋرالى ايتىپ، تاجىريبەلەرىمەن ءبولىستى. سەمينار بيىل تۇركىمەنستاننىڭ اشحاباد قالاسىندا جالاۋى كوتەرىلەتىن جابىق عيماراتتاعى ازيا ويىندارىنا تورەشىلەردى ازىرلەۋ ماقساتىندا وتكىزىلدى" - دەيدى سەرىك ادام ۇلى.
Baq.kz
