ۇلتتىق ارنا «التىن قوردى» قايتا جاڭعىرتتى
تەلەجوبا قازاق ۇلتتىق ونەرىنىڭ ءداستۇرلى ءان- كۇيلەرىن، ولەڭدەرىن، جىر- تەرمەلەرىن ناسيحاتتاۋعا، حالىقتى وتاندىق كلاسسيكامەن سۋسىنداتۋعا باعىتتالعان.
«قازاق ونەرىنە اسا قۇندى، ماڭگى ولمەس، باي مۇرا قالدىرعان ونەرپازدار ەسىمىن ۇمىتتىرماي، اسقاقتاتۋ ءۇشىن ۇلتتىق ارنانىڭ «التىن قورىندا» ساقتالعان ءوز ورىنداۋلارىنداعى ءان- كۇيلەردى ەفيردەن كۇندەلىكتى بەرۋدى جوسپارلاپ وتىرمىز. ولاردىڭ اراسىندا كەنەن ازىربايەۆ، دينا نۇرپەيىسوۆا، ماعاۋيا حامزين، كۇلاش بايسەيىتوۆا، راحىم تاجىبايەۆ، جامال وماروۆا، ەلەمەس تالاسباي ۇلى، جانىبەك كارمەنوۆ سىندى قازاق ونەرىنىڭ شوقتىعى بيىك تۇلعالارى بار»، - دەپ جازدى تەلەارنا باسشىسى ەرلان قارين ءوزىنىڭ Facebook تەگى پاراقشاسىنا.
جوبا جەتەكشىلەرى - اسقار ءاشىموۆ پەن شىنار ىحسانعاليەۆا، پروديۋسەرلەرى - قۋانىش سۇلەيمەنوۆ پەن بولاتبەك بايانحان، رەجيسسەرى - گۇلناش ابىشيەۆا.
اۆتور: ايجان سەرىكجان قىزى
