الماتىنىڭ جولىندا جارىق پايدا بولدى

الماتى. قازاقپارات - الماتىنىڭ بوستاندىق اۋدانىنداعى جولدا جارىق پايدا بولدى، دەپ حابارلايدى «قازاقپارات» ح ا ا ءتىلشىسى «قاز سەلدەن قورعاۋ» م م ا ق پ ب- عا سىلتەمە جاساپ.

«الماتى قالالىق ت ج د- دان بوستاندىق اۋدانى رەميزوۆكا كەنتىنىڭ 400№ ۋچاسكەسىندە جارىقتىڭ پايدا بولعانى تۋرالى اقپارات كەلىپ ءتۇستى.

«قاز سەلدەن قورعاۋ» م م ا ق پ ب ماماندارى تەكسەرۋ بارىسىندا انىقتاعانداي، 400№ ۋچاسكەسى تۇسىنداعى جولدا ۇزىندىعى 10 مەترلىك جارىق پايدا بولعان»، - دەلىنگەن «قاز سەلدەن قورعاۋ» سايتىندا.

قاتتى جاڭبىر جاۋعاندا توپىراق كوشكىنى بولۋى مۇمكىن ەكەندىگى اتالىپ ءوتتى. اۆتوكولىك جولى اشىق تۇر. ۆەدومستۆو بوستاندىق اۋدانىنىڭ اكىمشىلىگىنە قاتتى نوسەر جاۋعاندا اۆتوكولىك قوزعالىسىن شەكتەۋدى ۇسىندى.

توتەنشە جاعدايدىڭ الدىن الۋ ءۇشىن قاۋىپ- قاتەردى جويۋ شارالارى جۇرگىزىلۋى قاجەت. ەسكە سالايىق، تولاسسىز جاۋعان جاڭبىر سالدارىنان الماتىنىڭ بىرنەشە اۋدانىندا ۇيلەردى سۋ باسىپ، جاياۋ جۇرگىنشىلەر كوپىرىن جاڭبىر سۋى شايىپ كەتتى.