قىتايدا كوپىر قۇرىلىسىنا الەمدەگى ەڭ ۇلكەن جۇزبەلى كران قولدانىلدى - فوتو

استانا. قازاقپارات - قىتايدا شياڭگاڭ - چجۋحاي - اومەن كوپىرىن سالۋ ءۇشىن الەمدەگى ەڭ ۇلكەن جۇزبەلى كران قولدانىلدى، دەپ حابارلايدى شينحۋا.

كوپىردى تۇرعىزۋ ءۇشىن 6,7 شاقىرىمدىق سۋ استى توننەلىنىڭ قۇرىلىسى اياقتالدى. 6000 توننالىق بىرىكتىرگىش بلوكتى مونتاجداۋ ءۇشىن «چەنحۋا-30» الەمدەگى ەڭ ۇلكەن جۇزبەلى كران پايدالانىلدى.

ونىڭ سۋ سىيىمدىلىعى 260 مىڭ توننانى قۇرايدى. كەمەنىڭ ۇزىندىعى 297,55 م، ەنى - 58 م، ال جۇك كوتەرگىشتىگى - 12 مىڭ تونناعا دەيىن جەتەدى.