باقتيار ارتايەۆ: گولوۆكين ۇرعان بوكسشىنى قانات تا ۇرىپ قۇلاتادى
قاناتتىڭ الداعى جەكپە-جەگى تۋرالى بولجام جاساعان سپورتشى ونىڭ فلوريدادا وتەتىن جەكپە-جەگىنەن جەڭىس كۇتەتىنىن العا تارتتى.
«قانات قازاق ەلىنىڭ بەتكە ۇستار ازاماتى. وسى ۋاقىتقا دەيىن ءۇمىتىمىزدى ۇنەمى اقتاپ كەلە جاتىر. قانداي جاراقات بولماسىن اياعىنا دەيىن ايقاسىپ ءجۇر. سوندىقتان فلوريدادا بولاتىن جەكپە-جەگىنەن، اللا جازسا، جەڭىس كۇتەمىز. حالىق تا سونى كۇتەدى. جەكپە-جەكتىڭ قانشا راۋند بولاتىنىن بولجامداماي-اق قويايىن. ءبىراق قانات باۋىرىمنىڭ جەڭىپ شىعاتىنىنا كۇمانىم جوق»، - دەيدى ول.
ءوز كەزەگىندە بوكسشى قانات يسلامدى گەننادي گولوۆكينمەن سالىستىرىپ، ونىڭ جانىندا ەشكىم ەمەس دەگەن پىكىردى ۇستانىپ جۇرگەندەرمەن كەلىسپەيتىنىن ايتىپ قالدى.
«مەنىڭ ويىمشا ولاردى سالىستىرىپ سويلەۋ - ارانداتۋشى، ەكەۋىنىڭ اراسىنا وت سالۋشىلاردىڭ ءىسى. قانات - وتە ەرەكشە تۇلعا. قاناتتى گەنامەن سالىستىرۋعا كەلمەيدى. نەگە؟ ويتكەنى، قاناتتىڭ ەلشىلدىگى، وتانعا دەگەن سۇيىسپەنشىلىگى ءبىر توبە. قاناتتىڭ جان دۇنيەسى تۋعان ەلىم، تۋعان جەرىم دەپ تۇرادى. ءبىزدىڭ ەشقانداي سپورتشى وسى تۇرعىدا ودان اسا المايدى. ال گەنامەن نەسىن سالىستىرادى؟ ونەرىن سالىستىرا ما؟ گەنا ۇرعان بوكسشىنى قانات تا ۇرىپ قۇلاتا الادى. قانات جاڭادان اياق الىپ كەلە جاتقاندىقتان سونداي تانىمال ەمەس شىعار. ءبىراق ءبارى ۋاقىتتىڭ ەنشىسىندە»، - دەيدى ارتايەۆ.
ەسكە سالا كەتەيىك، قاناتتىڭ جەكپە-جەگى 26- مامىر كۇنى ا ق ش- تىڭ فلوريدا شتاتىندا وتەدى. ال ءبىزدىڭ بوكسشىنىڭ قارسىلاسى - مەكسيكالىق نوربەرتو گونسالەس.
