ديماشقا فرانسيالىق كورەرمەندەر تىكەسىنەن تىك تۇرىپ قوشەمەت جاسادى - ۆيدەو

استانا. قازاقپارات - قازاقستاندىق ءانشى ديماش قۇدايبەرگەنوۆ فرانسيانىڭ France 2 ارناسىنىڭ باعدارلاماسىنا قاتىستى.

قىتايدا وتكەن I Am a Singer بايقاۋىنا قاتىسىپ، 2-ورىن يەلەنگەننەن كەيىن كۇللى الەمگە ەرەكشە دارىنىمەن تانىلىپ، الەمنىڭ سان تۇكپىرىنەن ميلليونداعان فاناتتار جيناپ ۇلگەرگەن ديماش فرانسيالىق «Les années bonheur» باعدارلاماسىنىڭ قوناعى بولدى.

 

بۇل تۋرالى ءانشىنىڭ ءوزى جانە ديرەكتورى الپامىس ينستاگرامداعى پاراقشالارىندا جاريا ەتتى.

 

«مەن الەم ەستراداسىنىڭ جۇلدىزدارىمەن ءبىر ساحنادا ءان سالدىم. مەنىڭ قاتىسۋىممەن بولعان باعدارلامانى 6 -مامىر كۇنى ساعات 20:55-تە كورە الاسىزدار»، - دەپ جازدى ديماش. كادردا زالداعى كورەرمەندەردىڭ ديماشتىڭ تالانتىنا ءتانتى بولعانىن بايقاۋ قيىن ەمەس.

 

ولار قازاق انشىسىنە تىكەلەرىنەن تىك تۇرىپ قولداۋ كورسەتكەن.