ەلوردادا جەڭىس كۇنى قارساڭىندا مەرەكەلىك لەنتالار تاراتىلادى

استانا. قازاقپارات - ەلوردادا جەڭىس كۇنى قارساڭىندا ەل يگىلىگى مەن بولاشاق ۇرپاقتىڭ بوستاندىعى ءۇشىن ءوز ءومىرىن قيعان جانداردى،

سوعىس جىلدارىن جانە ولاردىڭ ەرلىكتەرىن ەستە ساقتاپ قالۋعا باعىتتالعان «جەڭىس لەنتاسى» جىل سايىنعى شاراسى ۇيىمداستىرىلادى، دەپ حابارلايدى قالالىق اكىمدىكتىڭ باسپا ءسوز قىزمەتى.

بيىل پاتريوتتىق اكسيا اياسىندا لەنتالار 6-9- مامىردا ساعات 10:30 دان 18:30 عا دەيىن قالانىڭ بىرنەشە نۇكتەسىندە، سونىڭ ىشىندە «بايتەرەك» مونۋمەنتىنىڭ، «حان شاتىر»، «Mega Silk way» ساۋدا ويىن-ساۋىق ورتالىقتارىنىڭ ماڭىندا، قالالىق الاڭدا جانە ستۋدەنتتەر ساياباعىندا تاراتىلادى.

قازاقستاندا جەڭىس كۇنىن مەرەكەلەۋدىڭ سيمۆولىن جاساۋ ماقساتىندا جاڭا پاتريوتتىق لەنتا جاسالدى. 2015-جىلى جەڭىس لەنتاسى رەسمي جاڭارتىلىپ، جاڭا ديزايندا جاسالدى.

جەڭىس لەنتاسى اسپان كوك رەڭدى جانە ورتاسىندا التىن ءتۇستى ۇلتتىق ورنەك ەلەمەنتتەرى پايدالانىپ جاسالعان جىبەك ماتالى لەنتا.

لەنتانىڭ شەتتەرىندە وتان سوعىسى وردەنىنىڭ (دارەجەسى كورسەتىلمەگەن) بەينەسى ورنالاسقان، بۇل ەكىنشى دۇنيەجۇزىلىك سوعىستاعى حالقىمىزدىڭ باتىرلىعى مەن ەرلىگىن كورسەتەدى. لەنتا گەورگي لەنتاسى بەينەلەنگەن جانە «9- مامىر - جەڭىس كۇنى. 1941-1945-جىلدار» جازۋى بار توسبەلگىگە بەكىتىلەتىن بولادى.