پاۆلودارلىق وقۋشى حالىقارالىق وليمپيادادا كۇمىس مەدال الدى
«ەرتىس دارىنى» وڭىرلىك قوسىمشا ءبىلىم بەرۋ وقۋ-ادىستەمەلىك ورتالىعىنىڭ مالىمەتىنشە، اتالمىش ءبىلىم دوداسىنا الەمنىڭ 22 ەلىنەن 120 وقۋشى قاتىسقان. جارىس ءۇش كەزەڭ بويىنشا وتكىزىلدى: ەكى تەوريالىق، ءبىر ەكسپەريمەنتالدىق. وليمپيادانىڭ قورىتىندىسى بويىنشا ءبىر التىندى تالدىقورعان قالاسىنىڭ وقۋشىلارى السا، ءۇش كۇمىستى الماتى، تاراز، پاۆلودار قالالارىنىڭ وقۋشىلارى ەنشىلەگەن.
سونداي-اق جەتى قولا مەدال استانا، الماتى، تاراز قالالارى مەن الماتى وبلىسىنا بۇيىرعان. ءۇش كەزەڭنىڭ قورىتىندىسى بويىنشا تەمىرلان راحىموۆ ۇزدىك ناتيجە كورسەتتى.
ول حيميا پانىنەن رەسپۋبليكالىق جانە حالىقارالىق وليمپيادالاردىڭ جەڭىمپازى مەن جۇلدەگەرى، رەسپۋبليكالىق پاندەر وليمپياداسىنىڭ التىن مەدال يەگەرى. وتكەن جىلى II حالىقارالىق ءا. بەكتۇروۆ اتىنداعى حيميا وليمپياداسىنىڭ كۇمىس مەدال يەگەرى.
