ا ق ش پرەزيدەنتى: كيم چەن ىنمەن كەزدەسۋ مەن ءۇشىن «قۇرمەت» بولار ەدى

استانا. قازاقپارات -  ا ق ش پرەزيدەنتى دونالد ترامپ سولتۇستىك كورەيا پرەزيدەنتى كيم چەن ىنمەن «قولايلى جاعدايدا» كەزدەسۋ ءوزى ءۇشىن «قۇرمەت بولاتىنىن» مالىمدەدى.

«ەگەر ونىمەن كەزدەسۋ مۇمكىن بولسا، مەن دايىنمىن، مەن ءۇشىن ول ۇلكەن قۇرمەت» دەدى ترامپ Bloomberg اگەنتتىگىنە. «بارلىعى جاعدايعا بايلانىستى، دەگەنمەن مەن كەزدەسۋگە كەلىسەر ەدىم» دەدى ترامپ. ول سونىمەن قاتار «كوپشىلىگى ەشقاشان بۇلاي دەپ ايتپاس ەدى، ءبىراق قولايلى جاعدايدا ونىمەن كەزدەسكەن بولار ەدىم» دەدى.

دەگەنمەن بۇعان دەيىن اق ءۇي دونالد ترامپتىڭ كيم چەن ىنمەن كەزدەسۋگە دايىن ەكەندىگىنە قاراماستان قازىر كەزدەسۋ ۇيىمداستىرۋعا وڭتايلى جاعداي جوعىن مالىمدەگەن. ا ق ش پرەزيدەنتى اكىمشىلىگىنىڭ باسپا ءسوز حاتشىسى شون سپايسەردىڭ سوزىنە قاراعاندا، ول مۇنداي كەزدەسۋ جاقىن ۋاقىتتا بولادى دەپ ويلامايدى. سپايسەر سونىمەن قاتار سولتۇستىك كورەيا باسشىسى الدىمەن «ءوز ەركىن» ءبىلدىرۋى قاجەت ەكەنىن دە ايتتى.

سوڭعى ۋاقىتتا پحەنياننىڭ يادرولىق باعدارلاماسى مەن زىمىران سىناۋىنا بايلانىستى ا ق ش پەن سولتۇستىك كورەيانىڭ قارىم- قاتىناسى شيەلەنىسىپ كەتكەن. ترامپ اكىمشىلىگى ۆاشينگتوننىڭ سولتۇستىك كورەياعا قارسى ءىس- قيمىل ماسەلەسىندە كەز- كەلگەن ءادىستى قولدانۋعا ەرىكتى ەكەنىن ايتقان.

http://www.azattyq.org