اڭساعان مۇستافا قازاقى ناقىشتاعى ءوز جەيدەلەرىنىڭ قىتايلىق كوشىرمەسى قاپتاپ كەتكەنىنە الاڭداۋلى
«دوستار ءبىزدىڭ فۋتبولكالاردىڭ پوددەلكاسىن قىتايلار جاساپ ءبىزدىڭ الماتىنىڭ باراحولكاسىنا اكەپ ساتا باستاپتى. ماتاسى دا ناشارلاۋ، باعاسى دا ارزانداۋ، سۋرەتى دە سولعىنداۋ.. . نە ىستەيمىن؟ » ، - دەپ جازادى اڭساعان مۇستافا.
ەسكە سالا كەتەيىك، الەۋمەتتىك جەلىدە اڭساعان مۇستافانىڭ ءار جاڭالىققا، كوتەرىلگەن پروبلەمالارعا ارناپ سالىنعان سۋرەتتەرمەن قاتار، كوبىنە ءوز سۋرەتتەرى ارقىلى قالىڭ وقىرماننىڭ نازارىن جاڭا تاقىرىپقا اۋدارىپ، تىڭ ماسەلەلەردىڭ باسىن قوزعاپ كەلەدى. ونىڭ قازاق جاستارىنا ارناپ سالىنعان سۋرەتتەرى تۇرىك، جاپون، گرۋزين، قىرعىز، اعىلشىن، ورىس جانە تاعى دا باسقا ونشاقتى تىلدەرگە اۋدارىلىپ، الەمگە تارادى. سونىمەن قاتار، ءبىرازدان بەرى اڭساعان مۇستافا ۇلتتىق ناقىشتا، ءارتۇرلى تاقىرىپتا سۋرەتتەر سالىنعان ءوز فۋتبولكالارىن ينتەرنەت ارقىلى ساۋداعا شىعارا باستاعان بولاتىن.
سونىمەن قاتار، ا. مۇستافا بۇعان دەيىن قىتايعا بارىپ شەبەرلىك ساباعىن وتكىزۋ تۋرالى جوسپارى بار ەكەنىن دە ايتقان ەدى.
